PR Lú Olo Felisita Povu Guiné-Bissau ba Indepedensia Dala-47

Fahe Tutan

Naunil Media (Díli), Kinta (1/10) ne’e, husi Palásiu Prezidensiál Nicolau Lobato, Bairu Pité, Prezidente Repúblika (PR), Francisco Guterres Lú Olo, reprezenta Povu Timor-Leste,  hato’o felisitasaun  no votus prosperiedade  no pás ba Povu Guiné-Bissau iha okaziaun komemorasaun aniversáriu independénsia ba dala-47.

Xefe Estadu Timor-Leste, Lú Olo, haktuir Guiné-Bissau hetan independénsia iha 24 setembru 1973 liuhusi luta naruk ida diriji husi Partido Africano da Independência da Guiné e Cabo Verde (PAIGC) ho lideransa Amílcar Cabral ne’ebé hatene hametin povu nian unidade ba objetivu komun.

“Bainhira ami luta namanas hela ba libertasaun nasionál, ita-nia asaun, sai motivu ba inspirasaun”, tenik eis-gerileiru rejistensia atual Prezidete Repúblika, Lú Olo.

Xefe Estadu Timor-Leste, Lú Olo, dehan akompaña nafatin prosesu iha Guiné-Bissau no bele hetan susesu.

“Timor-Leste nia luta ba ukun rasik-an hetan influensia maka’as husi movimentu libertasaun nasionál Guiné-Bissau, liu-liu ho pensamentu polítiku Amilcar Cabral ninian”. Dehan Veteranu ne’e. */Pau

Leave a Reply

Your email address will not be published.