AADPP-UNTL Distribúi Material Konstrusaun Ba Vitima Dezastre Naturais Uma-kain 7
Naunil Media (Dili),Prezidente Asosiasaun Alumni Departamentu Polítika Públiku (P-AADPP) Universiade Nasional Timor Lorosa’e (UNTL) Inocencio de Jesus Xavier, Kordena ho traballdor sira iha Australia Apoiu Materia Konstrusaun ba Vitima Uma-Kain Hitu (7).
Nia deklara prosesu ajudu ne’e hahu uluk ho identifikasaun, depois halo kordenasaun ho traballadór timoroan sira ne’ebé mak servisu iha Australia molok distribui ajudus.
“Depois de ami simu Osan estrutura alumni estabelese kedas enkontru ida planu prioridade sese mak bele tama ba kategoria apoiu ida ne’e, tanba ita tenki identifika uluk hodi hare ho Ita nia kapasidade kapital, Oinsa mak ita bele maneja”, dehan Prezidente AADPP Inocencio da Jesus Xavier ba jornalista Sira iha sede aldeia Lemorana, Suku Dare Sabadu, (10/07).
Prezidente AADPP ne’e salienta , orsamentu ne’ebé trabalhador timoroan iha Australia apoiu Mai ne’e hamutuk $4.935, husi orsamentu ne’e aloka ba uma kain 7 iha aldeia Lemorana hamutuk, $1.110.35 sentavus. Hodi sosa material konstrusaun hanesan, kalen 800, sementi 140 sakas, pregu 60 . Husi material hirak ne’e kada Uma kain Ida hetan kalen tahan 30, sementi saka 5, pregu kilo 3.
“Husi orsamentu $4.935 ne’e Ita maneja ba tipu tolu, tipu Ida mak sosa aimoruk ba vitima sira ne’ebé Mak moras, seluk mak Ita apoiu nesesidade baziku ba munisipiu 5 mak hanesan, Aileu, Dili, Manatutu, Viqueque no Lautem”, nia klarifika.
iha Fatin hanesan sefí aldeia Lemorana, Alice da Costa hateten, durante ne’e sira nunka hetan ajudus material ba konstrusaun uma nian, sira hetan deit apoiu aihan balun husi NGO.
” Ha’u nu’udar sefí aldeia hakarak agradese ba prezidenti AADPP ohin loron fo ona apoiu material konstrusaun ba Hau Nia povu sira atu nune’e sira bele halo netik mahon Ida para ho sira Nia familia hela” nia hato’o.
Sefí aldeia ne’e deklara, vitima afetadu ba dezastre naturais iha Fulan hirak Liu ba ne’e hamutuk uma kain 11 no ameasa ba sira nia-uma hamutuk uma kain 63.
“Ema hirak ne’ebé afetadu ne’e to’o agora uma kain ida mak sei nafatin hela iha sede aldeia Lemorana nian, uma kain ida mak hela ho sefe aldeia, no balun mak hela ho familia, no uma kain ida mak desidi ba hela kos” nia hakotu. LTS
