Sosa Ai-moruk Kombate COVID-19 Iha Hela Prosesu

Fahe Tutan

Naunil Media (Díli), Membru Ekipa Integradu Jestaun Krize, Rui Maria de Araújo, hateten Ai-moruk ba kombate Corona Virus (COVID-19) ne’ebe governu Timor-Leste atu sosa sei la’o hela iha prosesu laran.

Rui Maria de Araújo ba jornalista sira liuhosi konferensia imprensa iha sala Situasaun Centro de Convençães de Díli (CCD), Sábadu (04/04).

“Prosesu sosa ai-moruk la’o hela, lista de compras ba primeiru aviaun ne’ebe atu mai finaliza ona no agora United Nation Development Program (UNDP) nian mak responsabliza atu prosesa compras hirak ne’e hotu ho baze ba kontratu ne’ebe governu asina tiha ona iha loron hirak liu ba”, informa Rui Maria de Araújo.

Kona-ba prosesu sosa ai-moruk ne’e, Rui Maria de Araújo espera katak, iha fulan ne’e nia laran bele rona rezultadu pozitivu

“Dadauk merkadu Internasional kona-ba produsaun Ai-moruk saturadu, signifika ai-moruk produs ema sosa tui-tuir hotu kedas, tanba ne’e tenke kalma hodi hein no fo konfiansa tomak ba UNDP hodi trata prosesu hira ne’e”, tenik Nia.

Nia informa mos, faze tuir mai Ministériu Saúde sei fó formasaun ba pesoál saúde sira iha munisípiu hotu inklui REAOA-ZEESM.

“Ministériu Saúde prepara buat sira ne’e hotu para bainhira iha nesesidade mak Ministériu Saúde sei hamutuk ho Ministériu Negósiu Estranjéiru no Koperasaun (MNEK) konkretiza ka define saida mak ita presiza entaun situasaun ne’e nakloke, inklui ita nia nasaun amiga sira mós nakloke hodi apoiu ita”, Nia relata

Nia dehan, “Kona-ba apoiu husi parseiru sira seluk atu lori tan profesionál saúde sira mai hodi apoiu ita, ne’e prosesu la’o hela”. Uar

Leave a Reply

Your email address will not be published.