Treinadór SCT Moises : Árbitu Repete Faillansu Ne’e Beikten
Naunil Media (Ermera), Treinadór Sporting Clube de Timor (SCTC), Moises Da Silva, hateten árbitu sira repete faillansu ne’e konsidera beikten, tanba hakarak esrtaga duni futeból Timor.
“Ha’u ohin husu sira komisaun mós dehan labele halo protesta. Iha Europa de’it ko’alia ka protesta hasoru arbitrazen bele, tanba saida mak Timor labele, dala ruma FFTL nia regras di’ak liu fali Europa”, ba jornalista sira hafoin nia ekipa derota kontra AD. SLB, Copa FFTL 2020 faze oitavu finais, iha Satdion Municipal Cafe de Ermera, Sesta (16/10).
Tuir Nia, “árbitu sira iha sala ita komprende, maibe sala beibeik ne’e beikten, tanba hakarak estraga duni futeból iha Timor”.
Iha fatin hanesan, Treindor Klubu AD SLB Laulara konsidera desizaun áribitu no Juis da liña la sériu foti desizaun.
“Kona-ba Referee (árbitu), ha’u la’ós atu korize maibé tenke haree, sujere atu foti desizaun kuandu haree faillansu iha kampu laran hanesan tebe husi kotuk, e foti desizaun loloos”, afirma Treindor AD SLB Laulara Efren Jeronimo.
Nia haktuir, mosu faillansu barak iha kampu laran durante jogu entre AD SLB versus SCT, maibe árbitu la foti ida ne’e sai kestaun sériu.
“Ha’u la preokupa maibé sira tenke foti desizaun, tanba kompetensia no desizaun sira (árbitu) nia liman”, tenik Nia
Nia husu ba FFTL atu hadi’ak liu-tan servisu tekniku árbitrazen liu husi formasaun no kapasitasaun. Dvo
