Komemora Balibo Five Dala-45, Horta : CNC-CI Reforsa Papel Media iha TL

Naunil Media (Bobonaru), Selebrasaun Komemora trajédia Balibo five ba dala 45, Laureadu Novel Da Paz  Dr José Manuel Ramos, hateten selebrasaun ne’e  Centru Nasionál Chega (CNC-sigla portuges) no Coselho Impresensa (CI-sigla portuges) reforsa ona papel media iha Timor-Leste (TL).

Eis Prezidente Repúblika (PR) Jóse Manuel Ramos Horta ba jornalista sira,   iha Balibo, Sesta (16/10).

“Hanesan ita  hatene ona, iha esperiénsia pesoal diretu ba buat ne’ebé akontese iha  Timor-Leste nu’udar estadu seidauk halo rekonhesimentu lolos sorti Chega ho Cosellu Imprensa, halo ho kriatividade arte sai hanesan pedagojia diak ida ba ita-nia povu para haree parte husi ita-nia istória no reforsa papel media tanba liberdade imprensa  importante tebes ba Timor-Leste”, dehan  Jóse.

 Eis PR ne’e afirma, fó parabens husu agradesimentu bo’ot ba CNC no  CI tanba ho sira-nia inisiativa tinan lubuk ida ona fó honra, memória ba jornalista   internasionál nain lima ne’ebé mate iha Balibo.

“Entaun ne’e signifika saida tan, ita tenki defende liberdade imprensa iha ita-nia rain, iha fatin hotu-hotu akontesimentu oin-oin tinan-tinan mak ita selebra importante mak istória hanesan ne’e bele halo arte kurikulum ba eskola sira  la’ós iha  Balibo deit”, nia informa.

Nia dehan, iha relatóriu CNC koalia mós ba heroi sira no   vitima lubuk ida buat sira ne’e hotu-hotu halo parte kurikulum.

“Maibé  tenki kuidadu mós labele hanesan dalaruma ema hanoin fali Indonézia halo buat sira ne’e hotu aat. La’e  ne’e, istória Indonézia nian, ita nian tinan 40 liu ba la’ós atu halo propaganda anti nasaun ruma. Maibé  halo kampañia programa edukasaun kontra  violensia, funu no afavor ba demokrásia pro-estadu direitu tantu buat hirak ne’e bele sai hanesan exemplu konkretu buat ne’ebe ita tenki evita mak  violensia, buat ne’ebe ita tenki selebra ne’e mak  liberdade imprensa”. Tenik Horta. Pau