Golu Fransyatma Trava Karketu, Boavista Susesu ba Quartu Finais Copa FFTL 2020
Naunil Media (Ermera), Boavista FC Timor susesu hakat ba Quartu Finais hafoin muda hikas istória ne’ebé durante ne’e nunka hetan vitória kontra Karketu Díli, iha jogu Armada Matak Malirin hakruk ho score 0-1, Copa FFTL 2020, iha Estadion Café Ermera, Sábadu (17/10).
Duelo entre ekipa rua iha stadion Municipal Cafe de Ermera, jogu parte dahuluk ekipa Boavista FC ne’ebé iha ambisaun atu muda istória konsege domina bola no fó presaun maka’as ba ekipa Karketu Díli, konsege marka golu ida liu-husi jogadór Fransyatma Ima Kefy iha minutu tolu (3).
Avansadu ho jersey (númeru kamizola) 21 marka golu hodi muda istória ne’e hafoin simu assistensia bola kruza husi nia kompaineru Edit Savio.
Score 1-0 ne’e halo jogu sai manas liu-tan hodi atrai adeptu sira fuboollovers ne’ebé asiste direta jogu refere, maibé la iha golu ruma mak akontese tan to’o termina jogu parte dahuluk ekipa Boavista mantein ukun ho score 1-0.
Kontinua ba jogu parte da-ruak, ekipa rua halo mudansa tátika liu husi subtituisaun jogador maibé la iha golu ruma aumenta to’o termina jogu parte daruak score 1-0, la muda vitória ba Boavista FC Timor hodi muda istória ne’ebé la’o durante tinan barak nia laran.
Husi rezultadu ne’e lori ekipa Boavista FC Timor hakat ba Quartu Finais Copa FFTL 2020.
Enkuantu ekipa Karketu Díli FC tenke elimina husi husi Copa FFTL, tanba uza sitema bota for a ka lakon sai. Dvo
