SEAK Planeia Selebra Loron Nasionál Kultural 2020 Iha Munisipiu Lautem

Naunil Media (Dili), Diretór Jerál Arte no Kultura, Manuel Ximenes Smith, hateten governu liu husi Sekertária Estadu Arte no Kultura (SEAK) planu ona atu selebra loron nasionál kutural ne’ebé sei monu iha 14 fulan Outobru tinan 2020 iha Munisipiu Lautem.

“Sekretariu estadu arte kultura sempre selebra loron nasionál kultural hodi valoriza nafatin identidade Timor ni’an, no tinan ne’e sei selebra iha munisipiu Lautem. Hateten diretór jerál, Manuel Ximenes Smith, ba Naunil Media iha kna’ar fatin Praia dos Coquerros, Segunda (09/03).

Nia informa, aktividade hotu ne’ebe ligadu ho selebrasaun loron nasionál kultural iha tinan ne’e, governu sentral sei entrega tomak responsabilidade munisipiu Lautem, enkuantu Sekertaria Estadu Arte no Kultura halo de’it supervizaun ba aktividade hotu.    

“Tinan kotuk selebra iha Maubisse, maibe tinan ne’e ita sei selebra festival kultural iha Munisipiu Lautem, aktividade hotu iha festival ne’e organiza husi munisipiu, sekretariu estadu arte no kultura ho osan sira munisipiu mak hala’o aktividade hotu no arte kultura sai hanesan superviziona no halo minitorizasaun deit ba lala’ok aktividade ne’e. Aktividade ne’ebé sei mak Long Marc, mai husi Universitariu hotu sei halo husi Kom ba to’o Jaco, la’o husi Tutuala ba Jaco, husi Lore ba Jaco, no sira sei la’o ho pontu fokál munisipiu nian hanesan mata dalan, enkuantu iha loron daruak sei halo semináriu ba estudante sira hodi aprezenta sira nia observasaun iha long marc, liliu sitiu kultural sira, sitiu arkiolojia, iha tan natureza, no ikus sei anima husi artista nasionál sira”, informa diretór jerál ne’e.

Nia relata, orasamentu ne’ebé atu halo ba aktividade ne’e, mai husi saldo transferensia públika ba sekretariu estadu arte no kultura, ho montante dolar amerika rihun lima nulu (U$ 50.000.00). Uar