SEKOMS ho MS Servisu Hamutuk Hodi Prevene Denge iha TL
Naunil Media Díli), Sekretáriu Estadu Komunikasaun Sosial (SEKOMS), Merício Juvinal dos Reis “Akara”, Informa SEKOMS servisu hamutuk ho Ministeiru saúde (MS) hodi halo prevensaun ba moras denge iha Timor-Leste.
“Ohin Diretór Nasionál Saúde Públiku hasoru SEKOMS, oinsa kordena di’ak ho ministeiru saúde no orgaun komunikasaun sosial, atu ajuda hasa’e konsensia públiku hodi prevensaun moras denge iha ita nia rain, ita nia komunidade barak mak kona moras denge liuliu labarik kiik sira, presiza halo atividade prevensaun barak”, dehan Sekretáriu Estadu Komunikasaun Sosial (SEKOMS) Merício Juvinal dos Reis “Akara” ba jornalista sira iha Palásiu Governu, segunda (14/02).
Akara hatutan, oinsa ita nia meus komunikasaun sosial apoia edukasaun sivika, knaar SEKOMS ajuda instituisaun estadu hotu-hotu hodi fó informsaun lolos no kredivel ba ita nia populasaun sira, kona-bá prevensaun denge no mós labele haluha Covid-19 mós iha ita nia rain.
“Iha ajenda balu iha ne’e espera semana ida ne’e nia laran sei halo media brifin ida, konvida jornalista sira ita halibur malu iha ne’e, diretór tekníku sira atu esplika kona-bá denge ne’e moras oinsa, oinsa denge bele hadaet ba ema seluk, sa oras mak susuk ne’e halo agresivu”, katak nia.
Nia dehan, parte tekníku SEKOMS mós sei esplika oinsa mobiliza kanal komuniksaun hotu, iha fula rua nia laran asa’e edukasaun sivika hodi partispa ba prevensaun moras denge.
“SEKOMS mós koopera ho radiu komunidade sira hodi fahe edukasaun sivika kona-bá moras denge ba iha komunidade sira”, Tenik nia.
Tuir Diretór Nasionál Saúde Públiku Federico Bosco alves dos Santos, Informa ohin mai hasoru parte SEKOMS atu apoiu espersu ne’ebé mak durante ne’e ministeiru saúde halo, parte moras denge nian ne’ebé mak oras ne’e ameasa ba moras saúde públiku nian.
“Kazu denge hamete ona labarik 20 resin ona liu liu labarik kikuan sira, kazu mós sei aumenta nafatin, foin mak fulan Fevereiru tempu udan ne’e sei toó fulan Maio nia laran, se ita la manan komunidade sira nia konsesia vitima sira aumenta barak tan, bele mós fó impaktu ba ita nia saúde públiku sira”, katak nia.
Ministeiru saúde mós husu ba parte SEKOMS nia apoiu meius komunikasaun sosial, hodi fó informasaun lolos ba ita nia komunidade sira, liu liu moras denge, nune’e komunidade sira bele komprende, dehan nia. Lop
