Partidu KHUNTO Fó Pose Ba KPE Hamutuk 540

Naunil Média (Díli), Partidu Kmanek Haburas Unidade Nasional Timor Oan (KHUNTO), fó pose ba klibur profisionál Edukasaun (KPK), hamutuk 540 ne’ebé kompostu husi Profesór kontratadu, voluntáriu, inklui mós ho funsionáriu públiku sira iha administrasaun públiku, Ministériu Edukasaun (ME) nian, husi nivel pre-eskolár to’o iha ensinu superior.

Tanba organizasaun mahan  ida ba profesor sira no ajente administrasaun hotu iha setór edukasaun, atu halibur ideia no diskute programa ne’ebé partidu nesesita, bainhira kaer ukun hodi hadia setór edukasaun iha Timor-Leste.

“Ha’u prontu servisu iha kualkér momentu ba partidu hodi hadia setór edukasaun,tuir partidu nia orientasaun iha misaun no vizaun, entaun ha’u sei buka meius atu halibur membru hotu husi KPE atu diskute no identifika problema ne’ebé manorin nain sira enfrenta ne’e.

 Tanba ne’e, KPE bele iha dadus atu fó hanoin ba ukun nain sira hodi rezolve problema sira ne’ebé liga ho profesor voluntáriu sira-nia direitu,tamba realidade hatudu profesor voluntáriu sira servisu kesi kabun dadeer to’o lokraik la hetan vensimentu husi Estadu, enkuantu sira seluk goja demaziadu,”dehan Prezidente klibur profisional Edukasaun (KPE),Teodoro Soares, ba jornalista sira,iha salaun esperança elemloi,Domingo,(13/02).

 Iha fatin hanesan, Vise-prezidente Partidu KHUNTO, Nicolau Lino Freitas hatutan, KPE hamri’ik atu sai hanesan instrumentu ida hodi apoiu polítika no ideolójia Partidu KHUNTO nian tuir doutrina rasik.

“Iha Mudansa  bainhira edukasaun la’o di’ak tamba ho setór edukasaun maka xave ba dezenvolvimentu. iha Membru hotu ne’ebé halibur iha KPE tenke nafatin iha unidade hodi lori klibur ne’e. ha’u la’o ba oin nu’udár forsa polítika partidu KHUNTO nian atu atinzi objetivu iha eleisaun sira ne’ebé sei mai iha 2023,” Nicolau explika.

Aleinde ne’e, Konselleiru Máximu Partidu Kmanek Haburas Unidade Nasional Timor Oan (KHUNTO), José dos Santos “Naimori Bukar”, iha nia diskursu hatete, fó pose ba estrutura Klibur Profesional Edukasaun (KPE) hodi haforsa no haklaken doutrina partidu KHUNTO nian  no buka identifika.

“ha’u sasadik no sasidik” sira iha setór edukasaun atu buka nia solusaun tuir KHUNTO nia programa no estrátejia polítika rasik. Edukasaun nu’udár to’os ida, tamba ne’e, presiza investimentu iha setór edukasaun atu Nasaun bele aproveita iha loron ikus, tanba jerasaun ne’e, la’o iha prinsípiu ida loos tenke hadi’a edukasaun, investe iha edukasaun ba futuru Timor oan nian,” Naimori hato’o.

Konselleiru ne’e akresenta, Timor-oan hotu tenke kaer ba prinsípiu ukun rasik an hodi forma karakter foin-sa’e sira nian, atu respeita ba sira-nia an, respeita sira-nia inan-aman, respeita família no hatudu respeita iha sosiedade no Nasaun. Ana