Deskonfia Italiano Ida Iha TL Kona Corona Virus
Naunil Media (Díli), Representante Organizasaun Saúde Mundial (WHO-Sgla Ingles) iha Timor-Leste (TL), Rajesh Panda, hateten detekta ona suspeitu ida moras corona virus maibe sei iha prosesu tanba nia amostra haruka ona ba Darwing Australia atu halo teste hafoin publika rezultadu.
Reprezentante Organizasaun Saúde Mundial iha Timor-Leste, Rajesh Panda ba jornalista sira hafoin hasoru malu ho Prezidente Repúblika(PR), Francisco Guterres ‘Lú Olo’ iha Palasiu Prezidensiál Bairru Pité, Segunda (09/03).
Rajesh hatutan, ema ne’ebé mak dadaun ne’e moras seidauk detekta lolos, tanba sei halo hela teste ba sampel iha Darwin Australia no hein deit resultadu iha tempu tir mai.
“Agora daudaun ita iha kazu ida, dehan suspeitu ne’e moras virus corona, nia amostra ita haruka ona ba Darwin Australia hodi halo teste, rezultadu hirak ne’e ami sei fó sai iha orsida loraik ka aban dadersan”, hateten reprejentante ne’e
Tuir dadus ne’ebé mak dadaun ne’e World Health Organization rejistu , virus corona hamate ema iha mundu kuaze 105,586 husi nasaun afetadu sira maioria husi nasaun Xina ho totál 80.000, fora husi Xina hamutuk, 2500 mak afetadu. Nasaun ne’ebé mak dadaun ne’e afetadu husi corona virus hamtuk 73, husi sudeste Asia nomos husi nasaun continente Europa. Dms
