Família Husu Governu Buka Kronolojia Maria Gorreti Nia-Mate
Naunil Media (Bobonaru), Reprezentante família husi Heroina Maria Gorreti Joaquim, Maria Domingas Fernandes, husu governu buka Heroina Maria Gorreti Joaquim nian Mate, tanba to’o agora seidauk hetan ninia ruin.
Maria, hateten Timor-Leste hetan independénsia la’ós de’it tiru malu mak mana funu,maibe liu husi prosesu barak, família ne’ebé lakon ninian família rasik
“Maria Gorreti to’o oras ne’e seidauk hetan hanesan mós sira seluk ne’ebé mate. Karik hanesan ema sira ne’ebé lakon to’o oras ne’e, ita lahatene sira nia paradeiru iha ne’ebé?”, Maria Domingas Fernandes, ba jornalista hafoin partisipa tolk show iha semónia komemorasaun dala-45 Balibo Five, iha Balibo, Sesta (16/10).
Tuir Maria, lolos Indonézia tenki hato’o ona ba TL fatin ne’ebé mak sira soe Maria Gorrete ba nune’e família sira bele hatene Maria Gorrete nian fatin mate.
“Ami hatene fatin ikus (Maria Gorreti) nia ba mak iha Baucau, hanesan prosesu ne’ebé la’o ita hahú ho rekonsiliasaun hanesan CAVR no CVA halo maibe ita la konsege. Hanesan ministeiru rasik seidauk iha mandatu ida atu buka no hatene ukuk rasik. Parte governu hanesan Ministéiru Solidariedade Sosial ita la buka atu hantene mate iha ne’ebé, maibé buka atu hatene ema sira ne’ebé mak sei moris ida ne’e. Proseseu mós naruk bainhira sira atu lori mai, maibe ema mate to’o agora ita seidauk hatene fatin soe ba mak iha ne’ebé”. Tenik Maria. Flo
