Lere Husu Governu Fó Preoridade Prevene COVID-19
Naunil Media (Díli), XefeEstadu Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, husu ba governu konstitusionál da-ualu atu fo importansia ba populasaun relasiona ho pandemia corona virus (COVID-19).
“Ami husu ba governu atual atu tau prioritáriu ba situasaun umanitaria, liliu oinsa atu halo prevensaun ba sosiedade relasiona ho corona virus”, hateten XefeEstadu Maiór Jenerál F-FDTL, Maijór Jenerál Lere Anan Timur, ba Jornalista sira hafoin sorumutuk ho Prezidenti Repúblika (PR), Francisco Guterres ‘Lú Olo, iha Palasiu Prezidensiál Bairro Pité, Kuarta (25/03/2020).
Eis gerileiru Komandante Rejiaun Um Ponta Leste, Lere hatutan, lideransa atual ne’ebé mak lideradu husi Primeiru Ministru Taur Matan Ruak atu hamutuk ho nia membru sira atu responde ba problema COVID-19 ne’ebé sai hanesam preokupasaun ema hotu nian iha munu.
“Kadeira lakon ohin tinan oin ita bele hetan fali kadeira, maibé ita lakon ita nia populasaun, ne’e nu’udar kestaun morál ida lideransa sira tenke hanoni”, realsa Lere.
Nia husu ba líder polítika no governu atu tau kestaun polítika hanesan sekundariu no parte umanitáriu populasaun nian tenke preooridade.
Sorumutuk seminal ho Xefe Estadu Timor-Leste Lú Olo, Xefi Estadu Maior Jenerál F-FDTL, Maijór Jenerál Lere Anan Timur akompaña hosi Vice Xefi Estadu Maiór Falur Rate Laek, Xefi Estadu Maior Coli-Coliati. Dms
