Governu Nia Pedidu Urjénsia LFP U$ 286.8, Semana Oin Sei Aprezenta Ba Plenária

Fahe Tutan

Naunil Media (Díli), Prezidente Komisaun C Parlamentu Nasionál (PN) trata asuntu Finansa Publika, Maria Angélina Rangel, informa komisaun ne’ebe nia lidera finaliza ona pareser, pedidu ne’ebé governu haruka ho karakter urjénsia husu Levantamentu Fundu Petrolíferu (LFP) ho montante Miliaun U$286.8 atu refórsa kaixa tezouru, nune’e semana oin sei aprezenta ba plenária, deskute hodi halo aprovasaun.

“Pedidu karakter urjénsia katak rejimentu Parlamentu Nasionál preve tenke halo  oras 24 pareser. Ami agora tenta hela no halo konklui ona, Segunda feira ami  atu aprezenta ba plenária hodi debate asuntu karakter urjénsia ne’e, depois de plenária aprova ami sei halo audensia durante semana ida, sei konklui iha aprovasaun final, karik pasa iha Segunda feira sei hala’o audensia, halo aprovasaun final ba levantamentu ne’e”, hateten Prezidente Komisaun C PN trata asuntu Finansa Publika, Maria Angélica Rangel ba jornalista sira iha PN, Sesta (12/06).

Nia hatutan, komisaun C halo nia funsaun fiskalizasaun durante ne’e kona ba ezekusaun orsamentu millaun U$250 ne’ebé antes ne’e parlamentu aprova millaun U$150 ba COVID-19 no millaun U$100 ba kaixa tizouru ne’e nia ezekusaun laiha fóin aprova tan.

Realidade ita akompanña liuhosi média no ami mos halo ami nia funsaun hanesan fiskalizadór, ita haree ba governu la’o dadaun ona maske tarde, depois aprovasaun urjénsia ne’e iha audensia. Ami sei husu ba sira (governu), ami atu fó fali osan ba governu maibé ami tenke haree nia ejekusaun ne’e oinsa, iha ne’e ba sira sei aprezenta audensia ne’ebé mak tuir kalendáriu ne’ebé ami halo tentativa”, tenik deputada ne’e. 

Kalendáriu ne’ebé governu marka ba aprovasaun levantamentu ne’e to’o loron 01 fulan Jullu tinan 2020, pedidu levantamentu ne’e ho montante miliaun U$286.8 ho objentivu atu refórsa fundu COVID-19 no aumenta ba tezouru estadu nia hodi sustenta makina estadu hodi hein Orsamentu Jerál Estadu (OJE) 2020 no 2021. Uar

Leave a Reply

Your email address will not be published.