Kazu Rama Ambon Mosu Husi “Hemu Tua” Hamosu Provokasaun
Naunil Média (Díli), Komadante Polísia Nasionál Timor Leste (PNTL), Komisáriu Faustino da Costa, informa, kazu Rama Ambon ne’ebé dadaun ne’e públiku sira kestiona maka’as mosu husi hemu tua.
Kasu rama ambon ne’e mosu iha loron selebrasaun juventude 12 Novembru foin lalais ne’e tanba joven balun, hemu lanu no halo provokasaun hodi hamosu problema.
” Iha situasaun ida que momentu ita selebra loron joventude nian iha situasaun ne’e mak iha grupu no joven balun aproveita kria situasaun ne’e iha komunidade nia le’et.” Dehan Komisáriu Faustino da Costa, iha Sentru Formasaun Polísia, Komoro, segunda (15/11).
Nia haktuir, Tanba influénsia alkohol, buat ida tua ne’e mak propvoka situasaun sira ne’e, ne’ebé fatór prinsipál mak ne’e.
Ho nune’e, Komandu PNTL Klarifika ba komunidade sira katak, iha fim de Semana iha kazu kona-ba rama ambon kazu rua.
Maibé iha kazu balun ne’ebé mak akontese iha tinan hirak liu ba mak ema publika fila-fali iha mídia sosiál.
“Iha Dili ne’e ita orienta ona ba komandu sira atu hare’e ekipa propriu ne’ebé iha fim de semana ne’e mós halo ona servisu, liliu ba situasaun sira hanesan ne’e no atividade sira hanesan rama anbom la’o fila fila,” Haktuir nia
Nia hateten, Ekipa PNTL sei nafatin asegura seguransa iha rai laran.
” Mekanizmu operasaun sei la dehan sai katak, abertu ou la’e maibé komandu munisípiu Dili dadaun ne’e kontinua halo nia atividade, iha dader loraik sira kontinua esforsu, kona-ba asidente viajen rodoviáriu ninian,”
Ho ekipa propriu ne’ebé hare’e duni ba situasaun ne’e, envolve ona unidade espesial. Ana
