PNTL Kaptura Sidadaun Nain 2 Iha Fronteira
Naunil Media (RAEOA), Komandante Unidade Patrullamentu Fronteira (UPF) Superintidente Euclides Belo hateten, Komandu Polisia Nasionál Timor-Leste, liu-husi Unidade patrullamentu Froteira UPF Compaña Charlie, ekipa apoiu komandu PNTL Rejiaun Administrativu Espesial Oe- Cusse Ambeno (RAEOA), kaptura sidadaun nain 2 inisial DM ho ND iha fronteira Indonézia entre Timor-leste, tanba tama ilegal hodi halo négosiu.
“horikalan kaptura sidadaun Timor-oan mane na’in-2 ho naran inisial DM idade 39 no ND idade 17 iha fronteira terestre entre Indonezia ho Timor- Leste, tanba hatama sasan ropa online hanesan faru, kalsa no sapatu liu-husi dalan ilegal tama hosi Kefa mai Rejiaun Administrativa Espésial Oé-Cusse Ambeno (RAEOA),”dehan Euclides Belo, liu-husi komunikadu imprensa, sexta (17/09).
Nia hatutan, Sidadaun Timor-oan nain rua ne’e, parte seguransa entrega ona ba ekipa saúde hodi kumpri kuarentena hafoin entrega ba servisu investigasaun.
“Membru UPF entrega ona ba ekipa Saúde no objeitu sira sei halo auto entrega ba komando PNTL RAEOA, ho objeitu hirak ne’e komandante Postu UPF priense ona auto aprensaun hodi asegura iha Companhia Charlie hodi hein autor nain 2 kumpri tiha kuarentena no asina nu’udar nain ba objeitu hodi entrega ba Servisu Investigasaun hodi halo auto partisipasaun ba Ministeriu Publiku,”nia esplika. Ana
