Timor Oan 25 Iha Lautém Livre Hosi COVID-19
Naunil Media (Lautém), Xefe Sentru Saude Internamentu Nivel II Lospalos, Justino Dos Santos, hateten sidadaun Lautém oan hamutuk nain 25 mai hosi nasaun sira afeitadu COVID-19, sira livre hosi pandemia moras corona virus.
Hafoin sidadaun timor oan 25 ne’ebé mai hosi Indonézia, Australia no Inglatera, sira aprejenta-án ba Komandu Polísia Nasionál Timor-Leste (PNTL) Munisipiu Lautém, kontinua ba hala’o teste saúde iha Sentru Saúde Internamentu Nivel II Lospalos no rezultadu hatudu katak negativu ka livre hosi COVID-19.
“Sira mai hosi estranjeiru ne’ebe rejista iha Sentru Saúde Internamentu Nivel II Lospalos hamutuk 25. Sira aprejenta-án ona ba komandu munisipiu Lautém, no komandu haruka kedas mai Sentru Saúde hodi halo teste, maibe normal, nune’e sira halo auto kuarentina iha uma no liu ona loron 14, hatudu katak sira livre”, informa Xefe Sentru Saúde Internamentu Nivel II Lospalos, Justino dos Santos, ba Naunil Media, iha Nia Edifisiu Lospalos Vila, Sexta (03/04)
Nia informa liu tan, “Laut’em oan sira nain 25 ne’e kompri ona auto kuarentina iha uma durante loron 14. Sentru Saúde sei prepara formuláriu ba sira sei priense, sei bolu ema nain 25 ho sira nia dokumentus balun husi estranjeiru atu asina nune’e sai hanesan evidensia, katak sira kompri ona”.
Enkuantu dadaun ne’e, autoridade municipal munisipiu Lautém hamutuk ho ekipa kombate covid-19 prepara ona fatin Uma Plo iha aldeia Kuluhun saii fatin kuarentina ba komunidade Lautém ne’ebe sei mai hosi nasaun sira afetadu COVID-19. Lat
