KM Aprova Komfinamentu Obrigatóriu iha Díli ba Loron 14
Naunil Media (Díli), Reuniaun Konsellu Ministru ohin aprova tan resolusaun governu hodi mantein impozisaun komfinamentu obrigatóriu iha munisípiu Díli ba loron 14.
Asuntu ne’e hateten, Ministru Prezidensia Konsellu Ministru Fideliz Manuel Leite Magalhães ba jornalista sira hafoin reuniaun konsellu ministru iha salaun Kay Rala Xanana Gusmão iha Ministeiru Finansas Aitarak Laran, segunda (31/05).
“Konsellu Ministru Aprova ona Resolusaun Governu nian ne’ebé mantein Impozisaun Komfinamentu Obrigatóriu iha munisípiu Díli, Bobonaru, Covalima ba Loron 14 tan, no mantein mós serka sanitária ba munisípiu Baucau no Viqueque ba loron 7.” Hateten porta voz governu Fideliz.
Nia hatutan, tanba razaun sira ne’ebé uluk define tiha ona, liu-liu razaun sira saúde nian, serbisu no asesu sasan no servisu sira ne’ebé sai nesesariu bazíka no atu partisipa iha selebrasaun sira Relizioza no eventu kultura sira seluk.
“Rejista de’it alterasaun ida ho autorizasaun ba sidadaun sira bele auzenta husi sira nia rezidensia hodi realiza resensiamentu eleitoral”, Dehan nia.
Nia
haktuir, responsavel sira sentru
integradu jestaun krize (SIJK), aprezentasaun iha reunuaun konsellu ministru katak iha loron 14 ikus
ne’e, husi loron 17 to’o loron 30 fulan Maiu, rejista ona infetadu totál
hamutuk 2,432 ho SARS-Cov-2 ho país tomak.
Husi númeru ida-ne’e hamutuk kazu 2,043 rejista iha Díli, iha Bobonaru kazu
hamutuk 131, Covalima 81, iha Baucau hamutuk kazu 55 iha Viqueque kazu hamutuk
53.
Inisiu kampaña vasinasaun iha loron 7 fulan Abril 2021, simu ona doze preceded husi vasina totál bamutuk ema 76,582 iha nasaun tomak, ida-ne’ebé korresponde 10% husi populasaun ho tinan liu husi tinan 18. Iha Munisipiu Díli, vasina ona ema hamutuk 64,005, ne’ebé koresponde 30% husi populasaun ho tinan 18. *Jos