MEJD Apoia Osan $ 25, Ba Edukasaun Inkluzivu Ema Ho Defisiensia
Naunil Media (Dili), Ministeriu Edukasaun Juventude no Desportu,(MEJD), asina ona akordu ho organijasaun ne’en hodi apoia orsamentu ba Edukasaun inkluzivu hare liu ba ema ho defisiensia.
Organizasaun ne’en ne’ebe MEJD selebra ona akordu mak hanesan, Fitun Naroman, Asosiasaun Halibur Defisiensia Matan Timor Leste (AHDM-TL), Klibur Defisiensia Timor Leste (KDTL), Madre Buruma, Alma Sister no AGABE.
Asosiasaun ne’en ne’e MEJD apoia orsamentu humutuk $ 25 mill dolar Amerikanu.
“ Serimonia ne’e organijasaun ne’en asina kontratu entre ho MEJD, atu fo asistensia ba ema ho difisiente nian ba programa edukasaun inkluzivu.” Dehan Ministru Armindo Maia, ba jornalista sira, iha salaun konferensia MEJD, vila verde tersa,(16/11).
Nia haktuir, edukasaun inkluziva hanesan programa ida ba ema ho difisiensia, tanba sira mos direitu ida ne’ebe universal iha direitu ba edukasaun no konsistente ona iha Konstituisaun Republika Demokratika Timor- Leste (K−RDTL).
Iha fatin hanesan Prezidente AHDMTL,Gaspar Afonso haktuir, Edukasaun inkluzivu TL, mos dadaun ne’e adopta ho nia moto katak “Labele husik ema ida hela iha kotuk” entaun ema ho difisiensia mos hakarak partisipa no kontribui ba dezemvolvimentu nasional liu husi edukasaun.
Rekosila iha Artigu 59 fo dalan ba ema hotu, iha alinea 2-4 ema hotu iha direitu asesu ba edukasaun.
” Ita hare fila fali rekonsilia artigu 59 fo dalan ba ema hotu-hotu, nune’e mos iha alina 2-4 ema hotu iha direitu atu asesu ba iha edukasaun no kultura, dadaun ne’e ami luta hela oinsa ema ho defisiensia sira bele asesu ba edukasaun, liu-liu Ema ho defisiensia matan no Ema ho defisiensia komunikasaun sira hanesan lian jestual,
Nia relata tan katak, AHDM-TL mos hakarak ezizi ba Governo, tenke hare asuntu difisentie nian oinsa sustentabilidade ba futuru, se planu asaun nasional aprova ona membru Governo sira la tau osan hanesan retorika deit, entaun dokumentus ne’e invalidu.
AHDM-TL agradese tebes ba apoia ne’e, maske ki’ik ga bo’ot, oinsa atu sustentabilidade ba Futuru.
Akordu ne’e MEJD asina ho organijasaun ne’en ne’e ho durasaun tinan ida.LTS
