FEATUREDIkus LiuNewsSeguransa

Komandante PNTL Dom Aleixo  Americo Husu Arte Marsiais Tenke Rejistu Fatin-Treinu

Fahe Tutan

Naunil Media ( Díli) , Komandante Polísia Nasionál Timor-Leste Skuadra Postu Administrativu Dom Aleixo, Munisípiu Díli Inspetor Asistente Polísia Americo Fatima da Costa informa, Arte Marsiais ne’ebé atu loke fatin treinu tenke rejistu iha Aldeia no Suku.

” Hau husu arte marsiais sira ne’ebé re-ativa fali ona ne’e, tenke rejistu ba xefe aldeia xefe suku sira, treinador sira nia naran no mós total membru na’in hira, atu nune’e problema ruma mosu karik bele hafasil ba ami atu kontrolu ou atende lalais”,  dehan Komandante Skuadra Postu Administrativu Dom Aleixo, Munisípiu Díli Inspetor Asistente Polísia Americo Fatima da Costa ba Naunil Media iha Bairru-Pite, segunda (30/05).

Nia haktuir, Tanba lakoi atu mosu tan hanesan kazu entre arte marsiais  ne’ebé akontese iha fulan kotuk hanesan iha UNPAZ, Ai-Mutin no Kampung – Alor.

Buat ne’ebé estadu halo ona, hanesan autoridade seguransa nafatin apoia hodi asegura povu bele la’o livre hakmatek no seguru, dehan nia.

Nia husu ba povu atu servisu hamutuk ho parte seguransa no fó informasaun nafatain ba sira ligasaun ho asuntu kazu krime sira.

Antes ne’e governu anterior taka ona arte marsiais tolu, ohin  loron Governu da Ualu konstituisional  re-ativa  Arte marsiais tolu  ofisialmente lansa husi Primeiru (MP) Taur Matan Ruak iha Loron 26/05 Semana kotuk mak Persaudaran Setia Hati Terate (PSHT), Ikatan Kera Sakti Putra Timor-Leste (IKS-PTL) no Kmanek Oan Rai Klaran (KORKA). Mj6

Leave a Reply

Your email address will not be published. Required fields are marked *