EBF Nularan Prontu Realiza Ezame Pasazen Klase
Naunil Media (Díli), Koordenadór Ensinu Báziku Filiál Nularan, Rozeiro Pinto, informa estudante sira preparadu atu tuir ezame pasazen klase mak tuir orariu sei realiza iha 30 Novembru.
“Nu’udar kordenadór sempre orienta profesorsira atu elabora lalais material, antes tama iha ezame, nune’e dadaun professor/a sira sempre pontualidade hodi hanorin estudante sira”, Kordenador EBF Nularan, Rozeiro Pinto, ba jornalista Naunil Media iha nia kna’ar fatin Bairu dos Grilus, Kinta (16/10).
Kordenador nee realsa, EBF Nularan ninia ezame primeuru periodu halo deit avaliasaun tamba impaktu husi COVID-19 no hodi la fó biban ba sira atu halo ezame.
“Ami nia ezame iha fasze primeiru periodu ami halo deit maka avaliasaun ralasiona ho estudante sira nia traballu para casa (TPC) inklui lista prezensa diariu nian tamba impaktu husi pandemia global ne’ebe mundu hotu preokupa inklui Timor-Leste”, tenik nia
Baihira iha exame segundu periodu Governu liuhusi Ministeiru Edukasaun Juventude no Desportu (MEJD) hodi abertura eskola refere atu kontinua aula normal fali, maiba tenke kumpri regulamentu husi Organizasaun Saude Mundial (OMS) ho Ministeiru Saude (MS).
“Iha faze segundu periodu nian, ami nia eskola hetan autorizasaun husi Ekipa Ministeiru Saude ho Organizasaun Saude Mundial (OMS) tamba ami nia eskola prense ona rekezitus ne’ebé hodi kombate virus Corona no ami sempre halo distansiamentu sosiál ate agora” hateten kordenador Rozeiro Pinto.
Iha EBF Nularan total estudante hamotuk 573 no edukador sira hamutuk 19 inklui kordanador iha eskola refere eziste sala aprendesazen hamutuk 18. Jjf
