PNTL Prende Transporte Sira Para Trotoár Leten
Naunil Media (Díli), Tersa (02/06) ne’e, Polísia Nasionál Timor-Leste (PNTL) liuhosi Unidade Tránzitu halo operasaun hodi prende kareta no motorizada mak para iha Trotoár leten iha area Palasiu Governu nia sorin.
“Ami ohin halo operasaun ba transporte sira ne’ebé para iha trotoár leten, tantu transporte governu no privada. Polísia sei foti medida regurozu ba tranporte sira ne’ebé para la tuir regras”, informa Inspetór Unidade Tránzitu, Domingos Sarmento Gama, ba jornalista sira iha Palasiu Guvernu.
Komandante ne’e, hatutan unidade tránzitu sempre aviza ba públiku, liu-liu motorista sira atu para iha trotoár leten, nune’e evita ingrafamentu iha sidade Díli no hamenus númeru.
“Sira latauk lei, bainhira polísia sira prezensa mak s halo tuir regras. Sé kuandu ita-nia maluk polísia sira laiha sira lakompri ona hahalok ne’e la diak. Ita nuúdar sidadaun di’ak, ita tenke hakruk ba lei la’ós hakruk ba polísia”, tenika Nia.
Nia haktuir, “Komandu fó orientasaun ba ami no tuir lei kodiku estrada nian hodi haree parazen ne’ebé mak latuir regras, tanba viola ona kodigu Estrada”.
Tuir Nia, funsiunáriu sira hosi Palasiu governu no Parlamentu nasionál mak mak tenke fó ezemplu diak, tanba mesak ema intelektual.
Enkuatu sidadaun ne’ebé mak para tranporte la tuir lei sei multa, tuir tabela dekretu lei númeru 3/2003. Medida regurozu ne’e sei multa U$300.00 dolar ba leten. Pau
