Luta Covid-19, Arvind: Papel Media Importante Enkoraja Komunidade Proteje Saúde

Naunil Media (Díli), Luta ba Prevensaun moras Covid-19, reprezentante World Health Organization (WHO-sigla englés) iha Timor-Leste, Arvind Mathur hateten, papel media inportante tebes hodi fornese informasaun ne’ebé klaru ba ema hotu proteje saúde.

Reprezentante WHO  Arvind Mathur ba jornalista sira liuhusi ninia intervensaun iha enkontru   Media Interface adovokasia ba media sira kona-ba  introdusaun vasina covid-19,  iha salaun  Palásiu da Cinzas Ministériu Saúde, Kaikoli, sexta (19/02).

“Finalmente ita to’o ona iha  keixa mudansa covid-19, maibé  maneira efetivu ida hodi luta covid-19 ita rona informasaun iha media. Tanba ne’e media ninia  papel inportante tebes fornese informasaun ne’ebé klaru bele komprende no promove enkoraja ema hotu atu proteje sira-nia saúde”, dehan Arvind.

Arvind hatutan,  media fahe informasaun ne’ebé loloos bele minimiza rumores no informasaun ne’ebé la los sira  atu hamenus prekupasaun públiku nian kona-ba   vasina covid-19  nian.

“Media bele fahe informasaun klaru hodi tulun  ema ne’ebé limitadu asesu informasaun kona-ba covid-19 bele hatene di’ak liu tan. Tanba   Konsellu Ministru (KM) aprova planu nasioál vasina kontra covid-19 ne’ebé  apresenta husi Vise Primra Ministra nomós Ministra Solidaridadre Sosial no Inklizau MSSI Armanda Berta do Santo”,  Arvind haktuir.

“Husu ba ita bo’ot sira (jornalista)  fahe informasaun husi fontes kredivel avalia fila-fali istória sira ne’ebé kona-ba vasina nune’e bele servisu hamutuk hodi hasoru problema ne’ebé  ita  infrenta dadaun, imi hanesan parseiru inportante iha area saúde nian komtinua nafatin proteje an uza maskara, distansia sosiál no fase liman”. Tenik reprezentante WHO ne’e.

Iha abertura adovokasia ne’e Diretóra Jeral husi Ministériu Saúde Dra, Odete da Silva Viegas hatutan, Pandemia covid-19 ne’e mosu iha 2020 media ninia papel inportante tebes servisu hamutuk ho Ministériu Saúde (MS) no parseru sira.

“Ha’u sempre hateten ba ita bo’ot sira (jornalista) nian papel ne’e inportante tebes atu bele kontribui  servisus ne’ebe mak MS ho nian parseiru sira halo fó prestasaun servisu di’ak ba ita-nia unidade”, Odete subliña.

Diretór Jeral ne’e hatete, servisu la’ós fasil maibe susesu ida ne’ebé mak Timor-Leste konsege atinji ne’e kontribuisaun tanba to’o oin loron seidauk iha kazu grave no mate.

“Hanesan susesu ida TL  nasaun ne’ebé limitasaun rekursu ne’ebé barak konsege ultrapasa situasaun difisil, maibe agoras mós servisu bo’ot iha ita hotu nian kabas ita   redus moras covid-19 iha ita-nia rai golobalmente iha nasaun lubut  ida mak tama vasina”. Nia hato’o.

Tuir planu ekpa MS sei kontinua hala’o adovokasia ba institusaun relevante  sira hanesan PNTL,  F-FDTL,  ESTATAL, Ministeru finansa, lider politiku,  no Gabinete Presidente Parlamentu Nasiona hodi fahe  informasaun vasina molok implementa vasina, vasina sei hahú fulan Abril 2021.

Entretantu partisipa iha adovokasia ne’e, partisipa reprezentante UNICEF, WHO no jornalista no editór/a sira husi  media sira iha Timor-Leste. ipe