Inisiu Abril Hahú Vasina Covid-19 ho Ai-Moruk AstraZeneca Ba Liña Frente
Naunil Media (Díli), Diretóra Jerál husi Ministériu Saúde Dra, Odete da Silva Viegas informa, inisiu husi fulan abril hahú vasina covid-19 ho ai-moruk AstraZeneca ba serbisu liña Frente sira.
Diretóra Jeral Dra. Odete da Silva Viegas ba jornalista sira liuhusi ninia diskursu abertura adovokasia ho Media sira, iha salaun Palásiu da Cinzas Ministériu Saúde, Kaikoli, sexta (19/02).
“Ita bo’ot sira iha terenu mak hasoru problema ruma ita bo’ot sira bele kontaktu ba papel pilar II buka konfirma kedas atu nune’e fonte informasaun sai ida de’it. nune’e labele mosu paniku iha ita-nia komunidade. Vasina prioridade 20% ne’e, vasina la’ós buat aat no estraga ema maibé atu haforsa ita-nia sistema imunidade kontra moras covid-19 grave, hetan vasina bele reduz transmisaun ba ema seluk ne’e vantajen informasaun ne’ebé mak loos katak governu aprova ona vasina AstraZeneca hahu dadau ona semana oin (abril) ne’e”, dehan Odete.
Tanba liuhusi despaisu Primeiru Ministru RDTL Nú. 003/PMI/2021ba kriasaun komisaun interministeriál no grupu tekniku atu elabora no koordena planu ba implementasaun vasina iha Timor-Leste.
“Ai-moruk vasina covid-19 ho naran astraZeneca tipu vasina Vector viral não-replicativo ho komdisaun 2a8oc ne’ebé autoriza husi organizasaun saúde mundial (OMS). Objetivu principal husi vasina ne’e hodi oferese ba populasaun hotu atu proteje ema hotu no reduz moras no mate ne’ebé kauza husi virus corona”. Tenik Odete.
Iha aprezentasaun materia adovokasia Koordenadóra ba Komunikasaun ho Movilizasaun komunidade iha Ministériu Saúde Misliza Vital hateten, iha aprezentasaun adovokasia labele duvida simu vasina programa vasina ne’e polítika governu nian la’ós obrigatóriu, maibé ho volumtariu.
“Ami husi Ministériu Saúde hamutuk ona ho UNICEF no WHO prontu para kolabora hodi fahe informasaun kona-ba covid-19. Ohin loron pamdemia ne’e akontese iha mundu tomak ona. Tanba ne’e liuhusi vasina hodi proteje no prevene moras Covid-19”. Tenik Mislisa. ipe
