FEATUREDIkus LiuNewsSaude

SEKOMS Husu Ajuda CVTL halo Kampaña ba Vasinasaun Covid-19

Fahe Tutan

Naunil Media (Díli), Sekretáriu Estadu ba Komunikasaun Sosial (SEKOMS), Merício  Jovinal Dos Reis “Akara”,  Hateten iha situasaun difisil hanesan Covid-19, governu husu Crus Vermeilla Timor-Leste (CVTL) sira nia partisipasaun makaas, hodi ajuda governu  atu halo kampaña vasina.

Sekretáriu Estadu ba Komunikasaun Sosial (SEKOMS), Merício Jovinal Dos Reis “Akara” ba jornalista sira hafoin hafoin partisipa serimonia Aniversariu Cruz Vermeilha de Timor-Leste (CVTL) ba dala 21 tersa (22/06).

“Iha situasaun difisil hanesan ne’e governu husu ita bo’ot sira nia  ajuda atu halo kampaña kona-ba vasina, para ita nia sidadaun sira hotu-hotu bele iha konsensia hodi tuir vasina, ita nia luta mak agora ida ne’e, Komvate Covid-19 iha ita nia rai, so dalan uniku maka ita halo vasinasaun,” nia hateten.

Nia haktuir, oportunidade ida ne’e husu nafatin Crus Vermeilla nia kontribuisaun makaas liu tan hodi enkoraja  sidadun sira hodi bele partisipa iha vasinasaun.

“Husu CVTL hodi enkonraja nafatin ita nia sidadaun sira hotu para bele partisipa iha vasinasaun, espera  iha Novembru ita bele relata uituan bainhira 70% ka 80% ita nia populasaun bele  hetan ona vasinasaun, ida ne mak governu nia rekomendasaun ba ita bo’ot sira”, Nia rekomenda.

Iha fatin hanesan, Prezidente Cruz Vermelha de Timor-Leste (CVTL), Madalena Hanjam hatete, iha situasaun Covid-19 sira mós apoiu rekruta pesoal saúde tanba hospital sira presiza tebes.

“Agora Covid-19 hospital presiza ema atus haat atu bele halo protesaun shif maibé ida ne’e kuandu la to’o, Cruz Vermelha tenke servisu apoiu, ne’e duni ami rekruta médiku, efermeiru, aliadus, ho vuluntariu ejeneirus sira balun ne’ebé mak iha tekníku badain sira atu ajuda hadia odamatan no sentina”, hakotu Nia. Ipe

Leave a Reply

Your email address will not be published. Required fields are marked *