Prevensaun Konflitu, Euclides : PNTL Díli Hasa’e Volume Patroliamentu

Fahe Tutan

Naunil Media (Díli), Segundu Komandante PNTL Munisípiu Díli, Superintendente Euclides Belo, deklara prevensaun ba area konflitu PNTL sei hasa’e volume patroliamentu iha Munisípiu Díli.

Superintendente Euclides Belo, ba jornalista sira hafoin enkontru ho   komandante eskuadra sira iha Salaun Formasaun PNTL, Díli, Segunda (12/10).

Euclides, hateten kazu barak mak akontese hanesan iha  postu administrativu Dom Aleixo, dez orden publiku ne’ebé akontese iha parte Ai-Lok Laran, Golgota, Bebonuk no Luru Mata. Husi  kazu sira ne’e  komandante eskuadra sira relata ona ba komandu PNTL Munisípiu Díli.

“PNTL  Munisípiu Díli halo palnu atu  trassa estratéjia  para bele responde ba komandante eskuadra sira-nia perkupasaun. Ami mós sei reativa tan forsa atu bele hasa’e tan volume patrulamentu nian, para bele halo prevenesaun ba area sira ne’ebé mak komandante eskuadra sira relata”, dehan Euclidis.

Nia dehan, PNTL munisípiu Díli sei koopera ho estrutura membru Konsellu Polísia Komunitariu (KPK) sira mak estabelese  iha  suku sira hodi fó apoiu ba PNTL, nune’e kombate hamutuk problema. Emj5

Leave a Reply

Your email address will not be published.