MAP Planeia Esplora Riku Soin Tasi Timor Parte Sul

Fahe Tutan

Naunil Media (Díli), Diretór Jerál Peskas Ministériu Agrikultura no Peskas (MAP), Acacio Guterres, informa tinan 2021 MAP tau ona planu preoriodade atu halo esplorasaun ba riku soin Tasi Timor nian iha parte Sul.

Nune’e Diresaun Jerál Peskas MAP hahu enkontru  ho parseiru sira desenvolvimentu servisu  relasaun peskas hodi haree planu perioridade ba 2020 no 2021 ba esplorasaun  aktividade iha Tasi Timor nian.

“MAP trasa  ideia  hamutuk  hodi  prepara  planu ba tinan 2020 no  2021, Oinsa  atu halo esplorasaun ba ita-nia rekursu iha Tasi laran, liu-liu parte Sul, tanba ita  hotu nia prezensa ba atividade peskas iha tasi no hakiak ikan hodi  hasa’e produsaun di’ak-liu”,  Diretór Jerál Peskas MAP, Acacio Guterres, ba jornalista sira hafoin ekontru ho parseiru sira dezenvolvimentu servisu peskas, iha Salaun MAP, Komoro, Kuarta (29/07).

Diretór Jerál Peskas MAP, Acacio Guterres, infraestrutura bázika sai preokupasaun ba Governu, tanba laiha portu ne’ebe sufisiente atu halo esplorasaun ba riku soin Tasi Timor.     

“Tempu okupasaun Indonénzia nia to’o agora ita iha portu ida. Tempu ukun-án la iha portu, tanba dezenvolvimentu investimentu peskas paradu, ba futuru Governu presiza kria fasilidade hodi bele esplora rekursu  iha tasi laran”, tenik Diretór Jerál Peskas MAP ne’e.

Ikus-liu, Diretór Jerál Peskas, Acacio Guterres, dehan ba tinan letivu 2020 no 2021 MAP sei konsentra ba dezenvolvimentu peskas nian ho montante hamutuk U$30.000.

“Atividade   balun iha munisípiu Manufahi ne’ebé komunidade entrega rai iha Fatuberliu  hamutuk hectares 20 no hectares 10 iha  Fatukai, Munisípiu Cowalima”. Dehan Diretór Jerál Peskas. Leo

Leave a Reply

Your email address will not be published.