SEKOMS Merício Apresia Servisu WFP iha TL
Naunil Media (Díli), Sekretáriu Estadu Komunikasaun Sosiál (SEKOMS), Marício Juvinal dos Reis ‘Akara’, informa lori naran Governu konstitusionál da-ualu rekuiñese servisu Programa Mundiál de Alimentos das Nações Unidas (WFP-Sigla Inglesh) iha Timor-Leste, tanba ne’e husu ba media nasionál sira atu transmite informasaun kona-ba historian positivu sira mak WFP halo durante ne’e.
“Ida ne’e ami orgullu, tanba organizasaun internasionál WFP sempre hamutuk ho ita, entaun historia importante sira ne’e divulga ba ita nia povu”, SEKOMS, Marício Juvinal dos Reis ‘Akara, ba jornalista sira, iha Timor Plaza, Kuarta (29/07).
Tuir governante ne’e, dezde tinan 1999 Programa Mundiál de Alimentos das Nações Unidas halo ona servisu ba rai no povu Timor-Leste, liu husi sira nian programa rasik liu-liu iha area rural sira.
“Governu iha ona polítika prontu ona, agora kestaun tekniku implementasaun maka ita tenke orienta didi’ak para eskuta polítika sira ne’e. WFP halo ona servisu di’ak los dezde 1999. Sira apoiu ai-han ba ita nia populasaun iha area rurais ne’ebe mak susar, tanba ne’e mak ita tenke orgullu no aprensia e tenke divulga” hateten SEKOMS, Marício ‘Akara’.
Iha fatin hanesan, Directór WFP, Dangeng Liu, hateten ambitu virus global mundiál Surtu COVID-19, seguransa ai-han importante tebes ba povulasaun.
“Importante ita tenke haree kona-ba produsaun lokál, ai-han iha rai-laran. Timor-Leste kuaze pursentu 70 (%) ita important foos husi liur. Konsumu. Ai-han importante tebes iha Timor-Leste, ita hare’e katak iha independencia bo’ot ba foos, maibé ita perjisa hatene iha timor, iha ai-han ne’ebe iha nutrisaun iha hanesan batar, fehuk ropa ida ne’e ita bele konsumu iha Timor” Directór WFP, Dangeng Liu.
Ikus-liu, Dangeng Liu, kongratula mos Governu ne’ebe susesu tebes kombate COVID-19 iha Timor-Lete. Ana
