Xefi Suku Nain-29 iha Same Simu Farda
Naunil Media (Manufahi), Segunda (14/09) ne’e, Resprezentante Administradór Munisípiu Manufahi, Manuel Henrique Noronha, atribui farda ba Xefi Suku sira hamutuk nain 29 iha Salaun Postu Administrativu Same.
Hafoin atrbuisaun farda, Reprezentante Administradór Munisípiu Manufahi, Manuel Henrique Noronha, husu xefi suku sira atu serví povu tuir komfiansa ne’ebe povu.
“Fiar ne’ebe mak povu fó, katak ita mak sai hanesan servidór no sai hanesan liman ain ba estadu hodi lori povu nian lian hodi responde ba povu nia problema”, tenik Resprezentante Administradór Munisípiu Manufahi, Manuel Henrique Noronha.
Nia hateten, sai nu’udar líder tenke sai servidór ba povu no Nasaun.
“Sai hanesan liman ain ba estadu no sai hanesan servidór ba povu, servisu didi’ak sai hanesan povu nia tilun no matan hodi atende ho didi’ak tanba imi sai hanesan solusaun ba povu nia problema”. Dehan Nia. Nfm
