KomJer Faustino : PNTL Mantein Kumpri Diretu Humanu

Fahe Tutan

Naunil Media (Díli), Komandante Jerál (KomJer) Polísia Nasionál Timor-Leste (PNTL), Komissariu Faustino da Costa, hateten PNTL mantein kumpri direitu humanu liu-liu ba direitu sexu nian.

KomJer PNTL, Komissariu Faustino da Costa, ba jornalista sira hafoin abertura  semináriu ho tema ‘Dezaminasaun Informasaun Kona-ba Orientasaun Sexu, Identidade Jeneru, Expresaun Karakteristiku Sekxu (SOGIESC) ba Polísia Servisu Invesrigasaun Kriminal (PSIK) no ba ema Vulneravel’, iha Kuartel Jerál PNTL, Kaikoli, Segunda (14/09).

Tuir Komandante PNTL Komissariu Faustino, Ohin  ne’e   halo preparasaun formasaun fundasaun kodiva ne’ebé durante ne’e servisu hamutuk ho Governu no Prokuradória Dos Direitos Humanus no Jusriça (PDHJ) atu sensibelija ba assuntu  kona-ba Lesbian Gay Bisexual transgender and instersex (LGBTI).

“Ami hanesan  parte autoridade seguransa husi komandu sempre orienta katak ita tenki respeitu buat ida direitus humanus, hanesan nia atu feto ka mane ou beremanek ka buifeto ne’e kuestaun buat ketak ida ne’e mak ita ko’alia kona-ba orientasaun sexu”, dehan Komissariu Faustino 

Komissariu   (PNTL) ne’e hatutan, “Se karik iha kazu sira ne’ebé  akontese ita labele atendimentu hodi dehan ida ne’e ba beremanek ka panleru la’e, ita la haree ba ida ne’e, miabé ita haree deit ba kodigu penal. Prosesu hotu-hotu nain mak PDHJ  mak  fasilita prosesu  hotu-hotu ne’e iha nain. kuandu se ita mai ho hanoin nia ne’eba ema  tipu hanesan ne’e  violasaun direita  tiha ona direitu humanu, tamba ema hotu-hotu iha direitu atu asesu ba justiça”.  

Iha fatin hanesan embaixadóra Estadus Unidus Amerika (EUA), Kathleen Ftcpartrick , haktuir EUA nian servisu hamutuk ho  PNTL hodi loke formasaun ida ne’e, atu kombate deskriminasaun  identidade violasaun sexual.

“Formsaun ida ne’e, ami kolabora hamutuk ho instituitu demokrátiku nasionál husi Estadus Unidus Amerika EUA nian. atu   implementa formasaun fundu   hamutuk $ 20.000 mil dolares, maibé la’ós ba Munisípiu Díli, ami sei kontinua ba Munisípiu sira seluk”. Tenik Embaixadóra Kathleen.

Partisipa iha seminariu ne’e husi  PNTL husi diresaun  PSIK no  Polísia ba ema Vuneravel (VPU) hamutuk nain 15, durante  loron ida, seminariu ne’e hetan apoiu husi EUA. Flo/Emj5

Leave a Reply

Your email address will not be published.