COVID-19 Da’et Liuhosi Maneira Rua
Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, hateten moras corona virus (COVID-19) bele hada’et ba ema liuhosi maneira rua, hosi ema seluk nia kabeén bain hira ko’alia entre ema ho ema no ema ho sasan.
Porta voz Sentru Integradu Jestaun Krize, Rui Maria de Araújo, ba jornalista sira liuhosi konferensia imprensa iha Centro de Convencões de Díli (CCD), Sábadu (11/04).
“Maneira moras ne’e atu mai da’et iha ita nia isin iha rua, ida bain hira ema ida hetan ona infesaun moras ne’e ko’alia besik ita menus metru ida nia kabeén bele katik mai kona ita nia oin, ita nia matan no ita nia ibun bele da’et ita, no dalan seluk nia tafui kaben tasak iha fatin ruma ita ba kaer ita la hatene ita kose ba oin matan no ibun entaun virus ne’e bele tama iha ita nia isin lolon”, esplika dr. Rui Maria de Araújo.
Nia esplika liu tan, atu prevene ba virus ne’e labele da’et ba ema nia isin lolon, presiza halo distansia sosiál, labele halo grupu iha fatin públiku no labele kose matan no oin bainhira lafase liman.
“Maneira halo prevensaun prátiku liu, efetivu liu mak nee doók no labele halibur malu, besik malu menus hosi metru ida, bainhira la presiza lalele sai no fase liman bebeik, labele toman aát hodi liman kose ba matan inus no ibun”, salient Nia.
Dr. Rui dehan, “komunidade hotu presiza halo prevensaun ba idak-idak nia án liuhosi fase liman ho sabaun, halo distansia sosiál, labele sai asuntu la importante, karik iha sintomas bele liga ba númeru telefone emerjénsia 119 ba COVID-19.Uar
