Vota Berta Di’ak Liu Duke Hili Matenek Manan Haluha Povu
Naunil Media (Ataúro), Ekipa Susesu Kandidatura Númeru Sorteiu 9 husi munisípiu Atauru Cleopas Tome informa, Ba militantes no apoiantes sira atu fó votus ba kandidatura Armanda Berta Dos Santos.
“Di’ak liu povu ki’ik beik ho beik hili malu di’ak Liu, duke hili matenek nain sira, wainhira hetan fiar sai bo’ot haluha tiha povu, no promesa ne’ebe hato’o ba povu durante iha Kampña Eleitoral di’ak liu ita beik ho beik mak hili malu, duke hili ema matenek eleisaun manan tiha, haluha fali ita povu kiik sira”, Dehan dehan Prezidente Ekipa susesu Munisipio Atauru iha Kampaña eleitoral iha Suku Beloi, Tersa (15/3).
Nia hatutan, Ama Berta ne’e povu simples hela Hanesan ita ,nudar ema aileba oan laos ema riku nia oan, maske ema dehan ama Berta lahatene inglês no lá matenek, maibé ha’u hakarak dehan de’it , sekarik ama Berta Beik nia la asume paste hanesan Vise -Primeira Ministra no Ministra Solidariedade sosiál i inkluzaun.
Husu ba povu munisípiu Atauru oan di’ak liu hili ema ne’ebé mai husi povu aileba oan, tanba bele iha konesementu kona-bá populasaun sira nia sofrementu iha baze, nia informa.
Povu Ataúru maioria sei depozita votus ba Armanda Berta Do Santos iha Eleisaun Prezidensiál, maibé sira husu ba Armanda Berta wainhira eleitu ba Prezidente Repúblika tenke harii Universidade ida iha Ataúru, no mós halo kolaborasaun ho Parte Indonésia liu liu Iliha Liran no Kesar nune’e Komunidade iha Ataúru no Raí ketan rua ne’e bele hala’o viajem ba mai hodi Buka Moris, nia sujere. Ana
