FEATUREDIkus LiuNewsPolitika

PM Taur : Asuntu Rezignasaun Xanana Nian Ne’e Taka Ona

Fahe Tutan

Naunil Media (Díli), Primeiru Ministru (PM), Taur Matan Ruak, hateten kona-ba resignasaun husi xefe negosiadór prinsipal fronteira marítima ho Australia no fronteira terestre ho Indonézia, Kay Rala Xanana Gusmão, asuntu ne’e taka ona no hatudu katak nia (Xanana) rezigna-án ona.

Xefi ezekutivu Governu konstitusionál da-ualu deklara lia hirak ne’e relasiona ho karta rezignasaun husi Kay Rala Xanan Gusmão nu’udar xefi negosiadór prinsipal ba fronteira maritime ho Australia no terestre ho Indonézia.

“Kona-ba karta rezignasaun ne’e, rezigna no asuntu ne’e taka hotu tia ona” PM Taur Matan Ruak, ba jornalista sira hafoin enkontru semanal ho Prezidente Repúblika (PR), Francisco Guterres ‘Lú Olo’ iha Palásiu Prezidensiál Nicolau Lobato, Bairu Pite, Kinta (16/07).

Eis-gerileiru no atual Primeiru Ministru, Matan Ruak, hatutan kona-ba atu subtitui fali xefe negosiadór prinsipál Kay Rala Xanana Gusmão, ne’e seidauk identifika ema ruma maibé ida ne’e responsabel hosi Governu nian.

Kona-ba karta resigansaun ne’e Eis-Prezidente RDTL, Kay Rala Xanana Gusmão hakerek liu husi karta ba Primeiru Ministru Taur Matan Ruak iha loron 11/07/2020, maske antes tinan rua liu  ba xefe Governu atual hasai rezolusaun iha loron 21 Agustu 2018 hodi  nomeia Kay Rala Xanan Gusmão mak sai xefe negosiadór prinsipál ba iha soluasaun fronteira marítima Timor-Leste ho Australia. Dms

Leave a Reply

Your email address will not be published. Required fields are marked *