EdukasaunFEATUREDIkus LiuNews

Japaun Oferese Bolsu Estudu ba Estudante UNTL

Fahe Tutan

Naunil Media (Díli), Governu Japaun liu husi Agênsia Kooperasaun Internasionál Japaun (JICA-Sigla Ingles) ho Fundasaun Cultural Internasionál Osaka Gas (OGFICE-Sigla Ingles) oferese bolsu estudu ba estudante Timor oan nain-30 husi fafakuldade Enjinaria Siensia no Teknolojia (FEST) iha Universidade Nasionál Timor Lorosa’e (UNTL).

Estudante nain-30 ne’e mai husi departamentu lima, Geolozia Petróleu, Informatika Enjinária, Sivíl Enjinária, Eletrika Enjinária, Mekánika Enjinária.

Embixadór Japaun mai Timor-Leste, Kinefuchi Masami, hateten sira mak sai benefisiáriu ba programa bolus estudu ne’e, sira priense kritéria ho valor minimu 2.94 to’o to’o 3.

“Ha’u nia parabéns ba estudante sira na’in 30 mak simu ona bolusu estudu ba tinan ida-ne’e, Jovens sira-ne’e mak ita fó esperansa atu halo papél proveminente ba kriasaun futuru ida ne’ebé di’ak liu ba Timor-Leste”, embaixada Jeapaun mai Timor-Leste, Kinefuchi Masami, ba jornalista sira, iha Areadór FEST UNTL Hera, Kuarta (15/07).

Diplomata Japaun, Kinefuchi Masami, informa husi tinan 2013 to’o 2020 empreza ne’e oferese ona bolsu estudu ba estudante UNTL hamutuk 170 nune’e ho total atinji ona nain-200.

Governu Japaun liu husi Agênsia Kooperasaun Internasionál Japaun (JICA-Sigla Ingles) ho Fundasaun Cultural Internasionál Osaka Gas (OGFICE-Sigla Ingles) sei orferese U$500.00 ba kada estudante benefisiáriu. Ana/Emj2

Leave a Reply

Your email address will not be published. Required fields are marked *