PGR José Sei Koalia ho Meta Mali Elimina Direitu Veteranus Falsifika Dokumentu
Naunil Media (Díli), Prokuradór Jerál Repúblika (PGR-Sigla Português), José Da Costa Ximenes, hateten sei informa ba Ministru ba Asuntus Kombatentes Libertasaun Nasionál, Júlio Sarmento Da Costa ‘Meta Mali’ atu organiza, hadi’a lei hodi elimina (hasai) direitu veteranu sira mak gosta falsifika dokumentu.
PGR Jóse Da Costa Ximenes, ba jornalista sira hafoin sorumutuk semanal ho Prezidente Republika (PR), Francisco Guterres ‘Lú Olo’, iha Palasiu Prezidente Nicolau Lobato, Bairru Pité, Segunda (19/10).
“Flasikasaun dokumentu veteranu ha’u lahatene ne’e bolu lolos ne’e saida los agora iha prizaun hela hamutuk ho sira seluk. Balun iha komisaun omenazen, ema nain 9 nain rua dizolve, serbisu banku dizolve ami rekursu hela ba ema nain rua ne’e tanba komisaun omenazen halo ona karta ba banku ho dokumentus veteranus ne’e ba banku tanba saida mak banku bele fó pagamentu ba ema sira ne’e bele simu pagamentu sira ne’e falsu”, relata PGR José.
Nia deklara, tribunal sei obriga veteranu falsu sira sei selu indiminizasaun sivil ho valor $ 93.500 mill bele to’o $ 547.
“Tempu badak PGR sei informa ba Ministériu Antigus Konbatente (MAK) atu bele organiza veteranus sira ne’ebé mak gosta flasika dokumentu no sei hadia lei para hasai tiha sira nian diretu”, afirma PGR.
Ikus, Nia haktuir, Prezidente Repúblika, Francisco Guterres Lú Olo, preokupate tebes ho veteranu ne’ebé envolve iha falsifikasaun dokumentus atu hetan osan.
“Prezidente Repúblika preokupa ho envolvimentu veteranu nian iha falsifikasaun dokumentus, ho dalan ilegal atu simu osan, hodi hetan rekoñesimentu husi estadu, ne’ebé tuir loloos veteranu tenke sai ezemplar ba sidadaun sira seluk tanba kontribuisaun iha luta libertasaun nasionál”. tenik Nia. Pau
