SEKOMS Husu Media Publika Informasaun Loos Ba Públiku

Fahe Tutan

Naunil Media (Díli), Sekretáriu Estadu Komunikasaun Sosiál (SEKOMS), Mericío Juvinal  dos Reis ‘Akara’ husu apoiu ba Media sira hodi publika informasaun loos ba públiku, liliu liga pandemia moras corona virus (COVID-19).

SEKOMS Mericío Juvinal Akara, ba jornalista sira liuhosi komunikadu imprensa iha Palásiu Governu, Segunda (30/03).

“Ami husu ajuda ita bo’ot sira Media atu transmite informasaun mais simples ba ita nia komunidade hotu para sira bele kompriende didi’ak tuir dekretu de governu nian, tanba ida ne’e liga ba sira nia planu ho atividade lor-loron nian”, SEKOMS Mericío dehan.

Tuir membru governu konstitusionál da-ualu Akara, katak komunidade balun seidauk kompriende pontus importante balu hosi dekretu governu númeru 3/2020 ne’ebe aprova tiha ona.

“Ita nia komunidade balun mak seidauk kompriende didi’ak pontus imoprtantes hosi dekretu ida ne’e no SEKOMS halo ona dekretu ne’e siglifika ba iha linguajen ne’ebé ita nia públiku sira bele hatene lalais”, tenik Nia.

Governante ne’e husu komunidade hotu-hotu atu intende entende direitu tomak, atu kompriende kualker desizaun importante nasaun nian hodi prevene corona virus iha situasaun emerjéncia. Apm/Flo

Leave a Reply

Your email address will not be published.