PNTL Apoiu Seguransa Lalenok Kontra Boavista iha Meias-Finais Copa FFTL

Fahe Tutan

Naunil Media (Díli), Komandu Polísia Nasional Timor-Leste (PNTL) Munisípiu Dili, sei apoiu hosi Unidade Espesial Polísia (UEP) sei fó seguransa máxima ba klubu Lalenok FC no Boavista iha jogu semi finais Copa Federasaun Futebol Timor-Leste (FFTL) ne’ebe sei realiza iha loron Tersa Feira (20/10) iha stadiom Munisipál Díli.

Segundu Komandante PNTL Munisípiu Dili, Superintendenti Euclides Belo, hatete, komandu polísia Munisípiu Dili preparadu ona, komandu mos halo koperasaun ho Unidade Espesial Polísia (UEP) atu garante siguransa ba iha eventu ne’e.

Realasiona ho Jogu semi finaís ne’ebe mak sei realija  iha kampu Municipiu Dili ami husi Polisia Nasional Timor-Leste (PNTL) Municipiu Dili hamutuk ho Unidade Espesial Polisia (UEP) halo ona prepararaun  para atu  bele fo siguransa  hodi garante ba jogu refere la’o ho diak” dehan Segundu Komandante (PNTL) Municipiu Dili Euclides Belo ba jornalista sira iha salaun formasaun Kaikoli, Segunda (19/10)

Euclides mós husu ba adeptus klubu rua atu labele lori alkohol hodi konsumu iha stadium laran, inklui evita lori sasan kroát, armas ruma  no mos atributu arte marisias nian.

Ami sei halo ravista, no mos teste ba jogadór sira nune’e mos adeptus sira labele lori sasan kroat no atributu Arte Marsias iha kampu laran ami mós husu tan ba adeptus sira kumprimenta ida ne’e probidiu lori motor kanu resing para labele halo barullu iha kampu ninin tanba iha estadium ami polísia sei haleu hotu kedas para bele garante jogu semi finais ne’e termina ho hakmatek” nia tenik.

Segundo Komandante PNTL Municipiu Dili husu konaba karik sei blokea dalan balun ida ne’e depende fila fali ba ritmu jogu no depende ba adeptus sira nian numeru sekarik adeptus makas polísia mak iha dever para atu hodi bloke dalan para bele fo fatin ba adeptu sira.

Ikus liu, Nia  fó hanoin katak jogu iha meias-finais Copa FFTL iha loron Tersa Feira (20/10) ekipa Lalenok Fc no Boavista sei kontra malu no iha loron Kuarta Feira (21/10) AD SLB sei kontra Assalam Fc hodi hakat ba final PNTL sei manten nia misasaun hodi garante nafatin seguransa atu Copa FFTL tinan ida ne’e la’o ho diak. Nel

Leave a Reply

Your email address will not be published. Required fields are marked *