12 Novembru, Kapital Dili Naroman Haleu Ho Lilin
Naunil Media (Dili), Masakre Santa Cruz, 12 Novembru 1991, ne’ebe Juventude loriku asuwain luta no hakilar ba indepedensia liu husi demostrasaun ho liman tanan se hirus matan ba kartus, hodi hakilar Timor-Leste nia indepedensia ba mundu.
Iha loron ne’e sai hanesan historia ba povu Timor-Leste liu liu juventude sira sempre rai nafatin iha fuan juventude loriku asuwain ne’ebe fakar raan iha Santa Cruz.
Nune’e iha fatin fatin iha teritoriu Timor-Leste, povu no joven sira sempre sunu lilin iha tempu kalan hodi no hasa’e orasaun ba herois no martires ne’ebe lakon vida iha santa cruz.
Nune’e iha kapital Timor-Leste Dili, kalan lilin fo naroman iha fatin-fatin hodi hanoin hikas fila fali loron juventude asuwain neebe mak fo an ba mate iha tinan 12 Novembru 1991.
Tuir Elias Damero Ximrnes, loron ida ohin hanesan loron espesial ba foinsae Timor leste, hodi hanoin fila fali istoria neebe mak asuwain barak fo sira nia isin no raan hodi selu rai ida nee nia liberdade.
“Hanesan joven kontinuador ba rai ida nee tenke buka no hatene konaba istoria asuwain sira nian, hodi labele haluhan, tanba sira nia sakrifisiu mak ita nia liberdade,” Dehan Elias ba Naunil, iha Fatuhada bainhira sunu lilin iha estrada ninin, Sexta ne’e (12/11/).
Nia haktuir, nu’udar juventude maka save ba dezenvolvimentu, tanba nee maka tenke kria unidade halakon konflitu.
Ikus liu nia hateten, Tinan ida nee selebra ba dala XXX (30), mezmu hanesan foinsae maibe tenke buka hodi hatene referensia saida maka asuwain sira mate ba rai ida nee. Latu
