Sentru Foinsa’e Dom Boaventura Entrega Material ba Grupu Kooperativa Tolu iha Manufahi
Naunil Media (Manufahi), Tersa (01/12) ne’e, Sentru Foinsa’e Dom Boaventura hala’o enkontru ho grupo kooperativa tolu (3), grupu Viveirus, Pekuaria no Usaha Bersama Simpan Pinjam (UBSP). Durante enkontru ne’e, Sentru Foinsa’e Dom Boaventura atribui mos material Pekuaria, hortikultura, Inkuli brankas ida.
Jerente Sentru Foinsa’e Dom Boaventura, Antoninho Doutel Sarmento, esplika apoia refere hala’o tanba servisu hamutuk ho Caritas Australia deskobre komunidade nesesidade grupu kooperativa ki’k sira iha baze iha nível Agrikultura nian.
”Planu sei fó formasaun bele hasa’e liu-tan kuiñesementu, hametin liu-tan grupu kooperativa sira” tenik Nia
Materiaal sira mak distribui mak hanesan redi rolu haat (4), prego kilo haat (4), inklui manu inan rua nulu (20), manu aman lima (5), manu nia bikan haat (4), inklui osan montante 170.
Grupu Viverus, simu redi metru 10, no Polibek killo 10, ensada rua, kanuru boot rua, inklui $415 ba fini.
Material ba grupu Usaha Bersama Simpan Pinjam hanesan brankas ka fatin tau osan ida ida no livru rezistu rua, no seluk tan. Nfm
