Manuel Vong : Preparasaun ba Expo Dubai Atinji Ona Pursentu 90 (%)
Naunil Media (Díli), Komisáriu Jerál Autoridade Nasionál Expo Dubai Timor-Leste (ANED-TL), Manuel Lito Vong, informa preparasaun konsolidasaun produtu mak atu lori bá Expo Dubai tinan 2021 atinji ona pursentu 90 (%), maibé sei hein Orsamentu Jerál Estadu (OJE).
“Ita preparasaun iha tinan 2020 atinji ona pursentu 90 (%) , konsolidasaun ba planu 2021 hein mós orsamentu jeral estadu mak agora debate iha Parlametu Nasionál”, Komisáriu Jerál ANED-TL, Manuel Lito Vong, ba Naunil Midia iha Centro Convenções Díli (CCD), Segunda (01/12).
Komisáriu Jerál ANED-TL, Manuel, hatutan preparasaun konsolidadasaun ba produtu expo Dubai ho planu investimentu no negósiu mak liga ba área kada ministéru nian. Expo Dubai ne’e nu’udar programa husi governu nian liuhusi rezolusaun númeru 27/2020 hodi alterasaun ba rezolusaun Governu númeru 20/2019 kona-ba nomeasaun autoridade nasionál expo Dubai nian.
“Atividade autoridade ne’e hala’o ninia knaar atu halo partisipasaun
Timor-Leste nian iha eventu mundiál iha mundu, iha eventu tolu hanesan
olinpiade mundiál, kopa mundiál no expo mundiál. Olinpiadu mundial no kopa mundial ne’e tinan
4 halo dala ida partisipasaun husi mundu
tomak”, Komisária ne’e subliña.
Eis Reitór DIT, Manel Litu Vong, dehan expo mundiál tina 5 dala Timor Leste mós partisipa ona dala haat. Tuir lolos realiza 20 Outubru 2020, maibé tanba pandemia COVID-19. .
“Ha’u hetan konvite husi Governu atu mai fó fali kontinuasaun ba servisu iha periodu ida ne’e ho mundansa husi 20 outubru 2020, ne’ebé sei realiza 1 Outubru 2021 no sei remata iha 31 Marsu 2022, agora haree fila-fali preparasaun Timor-Leste ba expo mundial”, nia informa.
Eis-Ministru Turismu iha Governu konstitusqionál da-hituk, Manuel Vong esplika, planu servisu ba instalasaun ho organizasaun iha fulan ida ne’e konsege instala hotu. Organizasaun servisus hodi bele tulun ekipa sira hahú konsolidasaun ba planu anteriór tanba antes de COVID-19 prepara fali ajustamentu servisu liga ho situasaun pandemia tuir protokolu COVID-19.
“Ami-nia ekipa autoridade ne’e prezidente autoridade mak Ministru Turismu Komersiu Indústria (MTKI) lidera tomak. Ha’u hetan fiar hanesan koordenadór jerál ho komisariu jerál mais tekniku ligadu ho atitividade sira no papel inportante mak kordena organizer institusaun husi Dubai ho autoridade expo Internasional”, Nia relata.
Expo Dubai iha 2021 Timor-Leste sei aprezenta seitór 10 mak hanesan hanesan turizmu, agrikultura, rekursus naturais, infraestituras, transporte, logistika, saúde, edukasau, inovasaun no servisu. Emj14/fet
