Governu Sei Rezolve Nesésidade Baziku Folin-sa’e iha Merkadu

Naunil Media (Díli), Primeiro Ministru (PM), José Alexandre Kay Rala Xanana Gusmão, hateten, kona-ba nesésidade báziku folin sa’e iha merkadu, governu sei buka meius atu hatun tanba iha mundu normalmente bainhira situasaun ne’ebé governu hasa’e impostu atu bele hasa’e no hetan reseita doméstika hodi halo tan buat selu-seluk.

“Imi akompaña iha mundu, iha Europa ema kuaze halo manifestasaun ida ne’e tanba kauza husi funu Ukránia mós no buat oi-oin ne’ebé akontese,” dehan PM Xanana, ba jornalista sira hafoin enkontru semanal ho Prezidente Repúblika iha Palasio Presidensial, Bairo Pité, Kinta (27/07).

Tuir Xanana,  iha Timor laiha nesésidade ida ne’e, tanba Timor Leste iha reseita petroleum.

“Ita prinsipiu mak ne’e, reseita petroleum ne’e povu nian, povu nia terus mak ita manán buat ida ne’e, ne’e duni labele estraga, uza arbiru,” katak nia.

Nia salienta, reseita iha tiha ona ita hasa’e buat ne’ebé tuir lei katak buat ne’e bele hasa’e, la’ós arbiru de’it.

Governu ida ne’e, sei haree hela atu altera ka revoga tiha buat saida mak halo ita uza osan arbiru, Emprinsipiu ha’u la simu katak sasán nesésidade báziku folin sa’e. Ana