Traballadóres Nain 91 Desloka Tan ba Austrália
Naunil Media (Díli), Nonu Governu Konstitusionál liu husi Sekretáriu Estadu Formasaun Profisionál no Empregu (SEFOPE), konvida família (Inan-Aman) traballadór timoroan na’ain 91 asina deklarasaun hodi autoriza oan ka alin ba servisu iha Australia.
Tuir Sekretáriu Estadu formasaun Profisionál no Empregu (SEFOPE), Rogério Araujo Mendonça, traballadór sira ne’ebé ba servisu iha rai li’ur fó kontribuisaun bo’ot ba Estadu no nia husu atu servisu profisionál no kumpre regra ne’ebé mak estabelese iha Nasaun Austrália.
“Ita boot sira mak ba servisu iha Austrália ita boot sira fó kontribuisaun boot ba Estadu ida ne’e ,hadia ekonomia ita boot sira nia familia, imi bele halo uma,bele apoiu imi nia oan ba Eskola no imi hasa’e kresimentu ekonomia iha rai laran, estadu proteze nafatin ita boot sira, estadu tau adidu iha fatin sira ne’ebe mak ita boot sira ba hodi bele kontrola nafatin ita boot sira no ema nia kultura iha ne’ebá ho ita nia la hanesan husu atu kumpre regras sira iha ne’ebá”, Dehan SEfOPE iha Salaun Timor Londge, Sesta (28/7).
Governante ne’e husu ba Traballadór sira atu nafatin mantein iha sistema,labele sai traballadór ilegál hodi Estadu nafatin iha responsabilidade wainhira traballadór hetan Dezastre no labele difikulta fali Timor oan sira ne’ebe mak iha interese atu ba servisu iha Australia, nia husu mós ba Traballadór sira atu respeita malu hare malu hanesan Timor oan.
“Ita boot sira ba servisu iha ne’ebá favór tuir regra prosedementu ne’ebe mak ita boot sira ho familia asina,ita boot sira ba servisu mak sai husi sistema je’e nia risku boot ita boot sira hetan dezastre Estadu rua ne’e fase liman imi mate hanesan animál,imi halai sai husi sistema imi nia Maun,alin no feton sira laiha daln atu ba tan servisu iha Australia, no ba iha ema nia rai hare malu hanesan Timor ona laika baku fali malu ,rai tia imi nx Organizasaun Artemarsia nia iha ne’e”Nia Esklarese.
Aleinde ne’e Diretór Diresaun Nasionál Emprego Exteriór(DNEE), Filomino Soares mós Husu ba família sira uza osan sira ne’ebé mak traballadór sira haruka mai uza ba nesesidade nia , lalika obriga sira no fó presaun ba sira.
“Ha’u husu ba família sira favór boot ida lalika lori problema ba sira gasta osan sira ne’e ba buat importante ,hodia halo uma haruka oan ba eskola, lalika hodi pasira halimar fali, imi gasta hotu la halo buat ida sira iha ne’ebá rona sira estres bele foti desizaun badak sira bele oho an” nia Esklarese
Iha fatin hanesan Traballadóra Lusinda Dasilva Gosmaun, sente orgullu bele hetan oportunidade ba servisu iha Austrália, nia sei haruka osan ne’ebé nia hetan mai Timor hodi hadia ekonomia família nia no promete nafatin kumpri regra ne’ebé mak estabelese ona.
“Ha’u agradese ba SEFOPE tamba bele fo oportunidade ida ne’e hodi Ha’u bele ba srvisu iha Australia,Ha’u ba servisu iha area Agrikultura Ha’u sei mantein nafatin iha sistema to ha’u nia kontratu hotu hodi fila fali mai Timor”.dehan Traballadóra Lusinda.
Total Traballadóres 91 Mane 76 Feto 15 ba Servisu iha Area Agrikultor , sei Aranka ba Australi iha Domingo 30/06 Tinan ne’e. Gyor