COVID-19 : Universidade Privada Reativa Aktividade Aprendijazen Sei Responsabiliza Rasik

Fahe Tutan

Naunil Media (Díli), Ministru Ensinu Superior Siénsia no Kultura (MESSK), Longuinos dos Santos, hateten universidade sira iha Timor-Leste (TL)  atu reativa ninia aktividade aprendijazen, sei responsabiliza rasik bainhira mosu kazu COVID-19 no sei hatan tuir lei.

“Universidade privadu sira atu reativa  aula, tenke kumpri normas tékniku prevensaun COVID-019. Se ita la kumpri situasaun ne’ebé ita hasoru tanba agora ita livre ona husi moras COVID-19, Kuidadu !, kuandu universidade privada sira mak la kumpri no la respeitu normas no téknika husi Ministéiru Saúde (MS)  nian, mak sei responsabilidade no sei hatan lei ne’ebé mak hatur ona husi Governu”, MSSK, Longuinos dos Santos, ba jornalista sira hafoin reuniaun iha Konsellu Ministru, iha Palásia Governu, Sesta (12/06).

Governante ne’e hateten, atu reativa prosesu apredijazen universidade tuir  dekretu lei governu husi  estadu emerjénsia ba datoluk  no koalia klaru katak, bazeia ba Prezidensiá Repúblika númeru  35/2020/27  Maiu ne’ebé autoriza no fó livre.

“Agora tenke kumpri normas téknika husi Ministéiru Saúde (MS). Ita iha kordenasaun, Primeiru, matadalan importante tenke distribui ona husi MS atu  garante estabilidade liu-liu ba situasaun COVID-19 ba universidade hotu. Ha’u   haruka  ona pedidu ba MS hodi fó apoiu ekipamentu prevensaun COVID-19 ba universidade sira”. Dehan Nia. Jjf.

Leave a Reply

Your email address will not be published.