Governu Haruka Ona Lei Sistema Saúde ba PN Antes Resesu

Fahe Tutan

Naunil Media (Díli) Ministru Asuntu Parlamentar no Komunikasaun Sosiál (MAPKOMS), Francisco Jeronimo, hateten enkontru ho Presidente Parlamentu Nasionál (PPN), Aniceto Longuinhos Guterres Lopes, hodi haree fali kona-ba lei sira ne’ebé mak deputadu sira kestiona hanesan lei sistema saúde, lei imigrasaun no lei seluk tan ne’ebé mak governu seidauk lori ba Parlamentu Nasionál (PN).

“Ha’u mai kolia fali ho Presidente Parlamentu Nasional hodi fó hanoin fila-fali, tanba lei sira ne’e Governu haruka ona mai iha Paralamentu Nasional antes de resesu”, Ministru Francisco Jeronimo ba jornalista sira iha nia intervensaun polítika antes sorumutu ho PPN, Kinta (13/08).

“Infelismente, tanba deputadu sira resesu entaun sira laharee, ida ne’e mos resesu hotu, maibé bainhira ami mai aprezenta Estadu Emerjénsia (EE), Primeiru Ministru rasik mai kolia iha PN, maibé deputadu sira fóti fali ba kestaun katak Governu mak la haruka lei sira ne’e mai”, dehan Ministru ne’e.

Ikus-liu, Nia konfirma, tanba ne’e mak MAPKOMS mai koordena fali ho PPN husu atu buka dalan oinsa konvida fali deputadu sira hodi diskuti lei para loron 04 fulan Setembru Estadu Emejensia remata ona bele haruka Presidente Repúblika (PR) promulga fali nune’e lalika hamosu tan EE, se remata mak lei ne’e la lotu Governu sei fóti fali alternativu Seluk. Emj3

Leave a Reply

Your email address will not be published.