Reitor IOB Simu Posse, MESSK Husu Hasa’e Kualidade Rekursu Humanu
Naunil Média (Díli), Ohin Loron tersa (01/06), Pedro Ximenes simu ona pose hodi asumi kna’ar nu’udar Reitor foun Intitutu Of Buissines (IOB), Minstru Ensinu Superior Siensia noKultura, Husu atu hasa’e kualidade rekursu humanu iha mandatu tinan tolu mai.
“Pose ba reitor foun ne’e bele hala’o servisu diak liután hodi bele produs rekursu humanu ne’ebé kaulifikadu no hasae kualidade ensino superior” Dehan MESSK Longinos Dos Santos, ba jornalista sira, iha salaun IOB Fomentu, Tersa (01/06).
Ministru ne’e esplika, Serimonia tomada de pose ba reitor foun ne’e importante tebes, Tamba prezensa institute superior privadu no publiku bele produs rekursu humanu ne’ebé sai rikeza pais nian/
Nia promete sei halo koperasaun ho instituisaun superior hotu atu hasa’e kualidade ensinu iha Timor-Leste.
Iha fatin hanesan Reitor foun IOB Pedro Ximenes Afirma, Mandatu tinan tolu ne’e sei avansa ho planu preoridade ha’at ne’ebé importante hodi bele dezemvolve kualidade ensinu ni lori IOB ba futuru ne’ebé nabilan.
“ Hau nia planu preoridade ba tinan tolu oin mai maka sei kontinua nafatin ho programa sira ne’ebé reitor anterior halo tiha ona, maibe importante halo esforsu hodi garante prosesu aprendijazen ho kualidade” Tenik Nia.
Entertantu Reitor Sesante IOB Agusto Da Conceição Soares enkoraja nafatin reitor foun atu kontinua ho obra hirak ne’e hodi bele lori IOB sai diak liután iha futuru oin mai.
Ikus liu nia hateten sei servisu hamutuk nafatin ho reitor foun hodi dezemvolve IOB tuir nia moto “Produtu Lokal Kualidade internasional.” Latu
