SS Produtu La-Folin iha Merkadu, Komunidade Gugleur Susar Hetan Osan
Naunil Media (Liquiçá), Reprezentante komunidade suku Gugleur, atual xefe aldeia Palistla Fautino dos Santos, informa durante governu implementa serka sanitária iha Minisípiu Díli, movimentu transporte labele sirkula, produtu la folin iha merkadu munisípiu Liquiçá komunidade sira husi suku gogleur susar atu hetan osan.
“Governu implementa serka sanitária iha munisípiu Díli, movimentu tranporte paradu hotu, pridutu lokál la folin iha merkadu susar ba komunidade hetan osan, sira lori produtu ba merkadu se mak atu hola, ema sira hola ne’e mai husi Díli agora dalan taka, sira labele mai to’o merkadu munisípiu nian”, dehan Gugleur Faustino dos Santos ba Naunil Media, iha aldeia Palistla, sexta (02/04).
Xefe aldeia ne’e hatutan, produtu lokál la folin iha merkadu, komunidade sira hetan osan husi ne’e, sasan folin sae liu liu ba foo, atu lori saida mak atu hola foos? folin foos iha rural 25 kg $16. Dehan nia.
Nia hatuir, ema bo’ot bele komsumu produtu lokal, maibé liu liu ba labarik kiik kuan sira tenke han mak hetu, kuitadu ba familia sira ne’ebé mak susar tebes ba osan, oinsa atu hola foos. No produtu la falin iha merkadu susar hetan osan.
Nia parte husu ba governu bele ajuda netik foos ka osan iha sisuasaun serka sanitária, se bele fó de’it osan hanesan uluk fó kada familia $200.
Suku Gugleur lokaliza iha Postu administrativu Maubara, Munisipiu Liquiçá ho nia aldeia 11 no total poulasaun 4474, Mane 2234, Feto 2240 ho uma-kain 1111.Lop
