OMS Entrega Test Kits Ba Laboratirium MS, Hodi Idnetifika Kazu Izolamentu Covid-19
Naunil Média (Díli), Organijasaun Mundiál Saúde (OMS), Liu hosi Governu Korea Internasionál Cooperation Agency (KOICA), entrega tan laboratorium Test Kits hamutuk 50,000 ba Ministeriu Saúde (MS).
Reprezentante OMS, iha Timor-Leste, Arvind Mathur, hateten, Teste RDT 50,000 ne’e ajuda Ministeriu Saúde hodi halo identifikasaun ba kazu no izolamentu covid-19 atu hasa’e kapasidade ba teste, Nune’e mós bele utilija hanesan instrumentu prinsipál hodi detekta kazu iha area rural.
OMS haksolok tebes fó apoiu ba MS ne’ebé servisu maka’as hodi kontinua mantein nasaun Timor-Leste seguru iha situasaun difisil ida ne’e.
“ Ami kontente tebes hodi fó apoiu ba Ministériu Saúde ne’ebé serbisu maka’as hodi kontinua mantein nasaun seguru iha tempu difisil ida ne’e, no Ami mós hare’e katak Timor-Leste serbisu maka’as hodi kontrola pandemia ida ne’e. No ami hein katak ho kontribusaun hanesan ohin ne’e bele haforsa no halo lais liu tan progresu ita fila ba moris normal hanesan uluk iha Timor-Leste”. Dehan Reprezentante OMS, Arvind Mathur ba jornalista iha Palásiu das sinzas, Sexta (25/02)
Nia haktuir, OMS serbisu hamtuk ho KOICA ho rapidamente re-aloka no mobiliza rekursu ne’ebé iha hodi apoiu maximu ba Governu Timor-Leste luta kontra Covid-19.
Apoiu ne’e hanesan parte ida hosi esforsu KOICA-OMS fó ona doasaun kama médiku 100 ho kama 500 ba fasilidade izolamentu no tratamentu.
Iha fatin hanesan Diretóra Jerál MS, Odete Viegas da Silva, Haktuir, ho apoiu ida ne’e klaru sei bele reforsa liu tan pilar 5 no pilar 4 nia servisu oinsá atu detekta tresin no halo tratamentu ba ita nia ema ne’ebé mak ita deskobre karik pozitivu.
Ministeriu Saúde agradese tebes tulun ida ne’ebé Governu Korea atravesa hosi KOICA, Nune’e mós OMS ne’ebé mak oferese ona servisu ne’e.
Nune’e mós Diretóra a KOICA, Eunju Cha, Afirma, apoiu ne’ebé Governu Korea liu husi KOICA fó ne’e hahu keda iha 2020 no sira suporta ona MS, ne’ebé ohin loron KOICA suporta ona test kits RDT Covid nian hamutuk 50,000 test kits.
Teste Kits 50,00 ne’e ho totál orasamentu hamutuk $.165.000, LTS
