Dezastre Naturais Akontese, PR Lú Olo Husu Ukun-Nain Sira Halo Refleksaun
Naunil Media (Dili) Relasiona ho Dezastre Naturais ne’ebé akontese ba dala Rua ona hodi halo estragus komunidade nia uma no balun mate. Prezidenti Da Repúblika (PR) Francisco Guterres Lú Olo, husu ukun nain sira halo reflelsaun.
Aman ba Nasaun ne’e hato deklarasaun ne’e hodi hato solidariedade ba komunidade sira ne’ebé mak afeita ba inundasaun.
“Povu doben Timor, partikularmente iha kapitál Dili, Timor-Leste ninian mak ha’u hadomi no respeitu tebetebes,Uluk nanaik ha’u hakarak hato’o ha’u-nia boas paskoa ba imi hotu no dezeja katak ho Na’i Jesus nia resureisaun bele fó nia bensaun tomak ba ita hotu, timoroan sira hotu. Segundu lugar, ha’u hakarak hato’o ba Povu tomak iha Timor-Leste, partikularmente iha kapital Dili. Ita hotu sofre dala ida tan ho bencana boot ida, dezastre boot ida, hahú desde horikalan, ka madrugada desde tuku rua to’o mai ohin, ne’ebé udan boot hodi halo inundasaun iha kapitál Díli” dekelara ema númeru Um iha Timor-Leste ne’e liu hosi Komunikadu ne’e fo sai hosi Media Ofisila Palasiu prezidensial, domingo (04/04/2021).
Eiz Prezidenti Parlamentu ne’e hatutan, “Ha’u fiar katak husi dezastre natural ida ne’e, husik hela terus ba populasaun iha kapitál Díli, hanesan mós iha fatin sira seluk ne’ebé hetan situasaun hanesan. Situasaun ida ne’e ha’u bele kompara hanesan kalamidade boot ida . Kalamidade ida seluk mak coronavirus ne’ebé ita sei enfrenta hela dadauk, maibé mosu tan kalamidade ida ne’e. Husik hela terus ba ita-nia Povu liuliu ba sira ne’ebé mak mate. Ohin iha informasaun hateten katak pelumenus na’in-9 mak mate. Sira ne’e terus tebetebes. Prezidente Repúblika liuhusi mensajen ida ne’e hakarak hato’o nia sentidu pesame ba família sira ne’ebé lakon iha inundasaun ida ne’e no mós manifesta nia solidariredade tomak ba populasaun iha kapitál Díli no ba Povu tomak iha Timor-Leste”
Prezidenti deklara ho situasaun ida ne’e nia laran, Governu sei bele halo levantamentu ida atu hatene lolos dezastre ne’e fó prejuizu hira ba ita-nia populasaun sira no mate hira ba populasaun sira. Iha informasoins ba dalauluk hatetn katak na’in-sia mak mate, bele liután ida ne’e. Maibé Governu sei halo levantamentu dadus atu hatene liután loloos no oinsá mak Governu haree atu bele ajuda populasaun sira ne’e.
“Ikusliu, ha’u hakarak atu fó hatene ba populasaun sira tomak dezastre iha Díli ida ne’e ba dala-rua. Uluk iha tinan kotuk kona ita no mós ohin kona-ba fali iha sidade Díli. Dezastre ida ne’e lori ita hotu atu halo reflesaun ida seriu. Liuliu kona-ba ita-nia ukun.Ha’u lakohi fó salan ba ema ida, nen fó sala ba ukun na’in sira. Maibé ha’u hakarak husu de’it atu ita hotu-hotu bele halo reflesaun ida seriu oinsá bele hadi’ak ita-nia kapitál ida ne’e para labele fó dezastre no susar nafatin ba ita-nia Povu” Jos.
