Kona-ba Saude Sexual Produtiva, PITL Hasa’e Koñesimentu Foin Sa’e Sira
Naunil Média (Díli), Plan Internasional Timor-Leste (PITL), hamutuk ho parseiru Nafolia, Fada, no Talata, halibur Joven feto sira liu atus ida, hodi hasa’e sira nia koñesimentu hodi foti desizaun ho responsavél ba sira nia isin lolon saúde seksuál reprodutiva.
Programa Manager, PITL Etha Mota, hateten, atividade ne’e halibur garantiadór prinsipantess sira iha parte interesada ho adolesente no foinsa’e sira, hodi ko’alia kona-ba direitu iha partisipasaun feto ho labarik feto nian, ba iha direitu saúde seksual reprodutiva.
“ Objetivu prinsipal hosi aktividade ne’e rasik mak oinsa atu hasa’e koñesimentu ba adolesennte sira no jovens sira, atu demonstra sira nia partisipasaun relasiona ho asuntu saúde no direitu sexuál reprodutivu, li-liu iha prosesu foti desizaun,” Dehan Programa Manager PITL, Etha Mota, ba jornalista sira iha salaun delta nova, Tersa (29/03).
Nia subliña liu tan katak, iha parte seluk mos atu involve partisipasaun adolosentes no joven sira atu influensia instituisaun relevantes kona-ba sira nia asesu ba saúde no direitu seksuál reprodutiva hasa’e involvimentu no partisipasaun hosi instituisaun governu no sosiedade sivil iha asuntu saúde no direitu reprodutiva ba foin sa’e sira.
PITL mós iha komitmentu nafatin empedora foin sa’e feto no mane ho diversidade li-liu foinsa’e feto hodi asegura sira nia poder ba sira nia isin lolon no asegura sira nia konesimentu ne’ebé kle’an Atu bele foti desizaun ne’ebe mak matenek ba sira nia moris, tanba iha Timor-Leste labarik feto ho idade 15 to’o 19 iha risku dobru atu hetan mortalidade kauza relasiona ho isin rua kompara ho inan feto ho idade rua nulu ba leten.
Ne’e hanesan kontribuisaun ba solusaun hodi rezolve prolema ida ne’e, PITL iha projetu saúde seksuál no reprodutiva ho partisipasaun ne’ebé hetan suporta finanseira hosi governu Suecia implementa ho parseiru importante tolu hanesan, Nafolia, Fada no Talata iha Munisípiu Aileu no Ainaro.
Iha sorin seluk partisipante, Lusitania Cris, Sente kontente tebes ba aktividade ne’e.
“ Sente kontente tebes ba atividade PITL nian, ne’ebe enkoraja no fo motiva ba foin sa’e feto sira oinsa hasa’e konesimentu, hodi foti desizaun ne’ebé responsavél ba sira nia isin lolon kona-ba Saúde sexuál no reprodutiva.LTS
