Sidadaun Fila Hosi Estranjeru Tenke Kopera Ho Governu Tama Kuarentina COVID-19

Fahe Tutan

Naunil Media (Díli), Primeiru Ministru (PM), Taur Matan Ruak, hateten komunidade sidadaun timor oan sira ne’ebe foin fila hosi rai liur mai timor, tenke kopera ho governu tama kuarentina COVID-19 nian hodi halo teste justifikasaun kona-ba pandemia moras corona virus.  

Primeiru Ministru Taur Matan Ruak ba jornalista sira hafoin enkontru semanál ho Prezidente Repúblika (PR) iha Palásiu Prezidensiál Nicolau Lobato, Bairro Pité, Sexta (27/03).

“Ha’u husu ba sidadaun hotu-hotu atu halo koperasaun se família ruma mai hosi estranjeiru tenke fó sai no labele taka, tanba COVID-19 ne’e la’ós buat halimar. Husu Tenke submete tuir  teste ruma molok fila ba uma”, salient Xefe governu konstitusionál da-ualu, Taur Matan Ruak.

Tuir Xefe ezekutivu ne’e, katak COVID-19 hanesan ameasa bo’ot ba sidadaun no nasaun,  bazeia ba esperiensia hosi nasaun afetadu sira ne’ebé mate barak hosi pandemia COVID-19. Mds

Leave a Reply

Your email address will not be published.