TANE Aprezenta Rezultadu Prekiza Servisu

Naunil Média (Díli), Asesor TANE konsumidor, aprezenta rezultadu peskiza servisu, tanba folin nesesidade bazika tebes ba komsumidores sira atu eskolha tuir nesesidade basika.

“ Ohin ami fó sai rezultadu peskiza iha loron 22 Fulan Abril to’o 29 Fulan Abril 2022. Peskiza ne’e, faze da-ha’at nian no iha faze datolu ami hala’o iha Fulan Dezembru nia laran,” Dehan Assesor Imprensa, Rosalino Da Conçeicão Soares ba jornalista sira, iha Sede Tane Konsumidor Villa-Verde, Segundu (09/05).

Nia hatutan, tanba presu sasan ne’e inportante tebés ba konsumidores sira atu eskolha ba sira nia nessesidade bazika. Nune’e, hosi parte sira halo peskiza kona-ba loja sira, hodi enkamiña presu ne’ebé baratu husi sasan ba konsumidores sira. peskiza ne’e rasik, halo ba Loja sira iha Kapital Dili li-liu ba produtu 20 hodi hatene presu atuál iha loja sira.

“ Loja ne’ebé halo peskiza kuaze iha Dili laran hamutuk 21 ho produtu 22,mak hanesan Fós, Mentega, Na’an Manu, Na’an Karau no mina ne’ebé sei ema hotu nia prekupasaun inklui bebidas sira serveja no.” nia informa.

Tuir rezultadu peskiza TANE Konsumidor identifika loja ne’ebé folin baratu mak Gracias Shop iha Komoro no Loke ne’ebe folin Karun mak loke Chiara Pantai Kelapa. Loja rua ne’e, la signifika ida baratu liu, ka ida karun, maibé ita hare’e produtu ne’e ida ba ida bele Loja ida baratu ne’e, folin karun no loke ida folin karun bele baratu liu fali.

Mina Bimoli ne’ebé sai preokupasaun ema hotu nian mak ami foti litru rua (2). Baratu liu mak iha Loja Lider ho Presu $3.50 Centavus no karun liu mak Loja Family Supermarket iha Hudi-Laran ho Presu $.6, ne’e ami foti iha fulan kotuk kompara ho agora presu bele aumenta tan.

“ Nune’e, sé ita hare’e ba variasaun hosi produtu mak laranja sa’e maka’as kompara ho produtu sira seluk, no variasaun ne’ebé tu’un liu mak fós. hare’e ba variasaun hosi produtu hot-hotu, entaun variasaun hosi produtu laranja ne’e sa’e maka’as kompara ho produtu sira seluk. No produtu ne’ebe nia variasaun tu’un liu mak fós kompara ho produtu sira seluk. Nune’e, presu laranja ne’ebe baratu iha Loja balun ho $.1, kompara ho Loja seluk sa’e maka’as ho presu $1. Tamba produtu sira ne’e, importadu hosi rai liur,” Esplika Asesor ne’e.

Husi rezultadu peskiza TANE Konsumidor sira ba konsumidores sira ne’ebé hakarak kompra produtu iha Loja ne’ebé presu baratu ba produtu 20 hó de’it $.47.06 no Loja ne’ebe presu karun ba produtu 20 hó $66.06. Sé ba loja ho presu baratu ita poupa ona $.19 ho nia variasaun %42.

Liu hosi rezultadu peskiza mak TANE konsumidor sira,  rekomenda ba parte relevante atu hasa’e prosisaun nasionál sira hanesan produtu agrikula sira liu-liu ai-fuan, modo tahan inklui prosisaun fós ne’ebé iha Timor rasik sempre produs. LTS